Arkaitz Rodriguez: "Herri honek burujabetza behar du, eguneroko arazoei aurre egiteko"
Arkaitz Rodriguez Sortuko idazkari nagusiaren esanetan, "herri honek burujabetza behar du, egunerokoan suertatzen zaizkion arazoei aurre egiteko. Burujabetza da pentsio hobeen sinonimo, lan-harremanak hemen erabaki ahal izatea, beraz, hobeak eta duinagoak, herri gisa eta gizateria gisa parez pare ditugun erronkei gutxieneko bermeekin aurre egitearen sinonimo".
Euskadi Irratiko 'Faktoria' saioan egindako elkarrizketan gaineratu duenez, "hemen badago eztabaida hau geroratzeko aitzakia, gure ustez urgentea da eztabaidari ekitea, burujabetzaren bideari urrats sendoz ekitea". "Hau aktualitateko eztabaida bat da, ez dugu ezagutzen estaturik burujabetzari uko egiten dionik", gaineratu du.
"Gero eta burujabetza gehiago, orduan eta ongizate handiagoa" izango da, Rodriguezen iritzian.
Eztabaida zergatik atzeratzen ari den galdetuta, Sortuko idazkari nagusiak esan duez dutela ulertzen, "hau aktualitateko eztabaida bat da, ez dugu ezagutzen estaturik burujabetzari uko egiten dionik. Bataila garaikiderik baldin badago burujabetzarena da".
Gazte Kontseilu Sozialistak (GKS) Sortu, eta Ezker Abertzale zein EH Bilduri, azkenaldian egindako kritiken ondotik, Arkaitz Rodriguez kritiko agertu da talde horrekin. "lehen eta behin, GKSk ez dauka inolako zerikusirik ezkerreko independentismoarekin, Ezker Abertzalearekin. Talde hau sortzen da Ezker Abertzalearen hipotesi estrategiko historikoaren ezeztapenetik".
"GKSk ez dauka arazo bat herri mugimenduarekin, arazoa dauka mundu guztiarekin, eta hola bada, arazoa GKS delako da, bere jarrera sektario, erreakzionario eta erasokorragatik. Herri mugimenduen kanpo geratzen bada, harreman eredu sektario, agresibo eta sektarioa izan duelako da", azpimarratu du.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.