ETAko 12 preso lekualdatu dituzte Hego Euskal Herriko kartzeletara
Barne Ministerioaren menpeko Espetxe Erakundeetako Idazkaritza Nagusiak ETAko beste 12 preso lekualdatuko ditu Euskal Herriko kartzeletara.
Hala, Diego Ugarte Lopez de Arcaute Leongo Mansilla de las Mulas espetxetik lekualdatuko dute, eta Iurgi Garitagoitia, berriz, Logroñokotik, Barne Ministroak jakitera eman duenez. Biak ari dira zigor luzeak betetzen, eta horien herenera iritsiko dira 2027an eta 2033an, hurrenez hurren.
Juan Carlos Besanceren lekualdatzea ere iragarri du Barne Ministerioak, Dueñasko (Palentzia) espetxetik.
Zigor Bravo Saez de Urabain, orain arte Soriako kartzelan zegoena, eta Angel Maria Telleria ere badira zerrendan.
Horiei batzen zaizkie Alicia Lucia Saez de la Cuestaren eta Mikel Xabier Ayensaren izenak, Logroñotik ekarriko dituztenak.
Era berean, Burgoseko kartzela batetik euskal kartzela batera eramango dituzte Aitor Garcia Aliaga eta Manex Zubiaga.
Gainera, Itziar Alberdik eta Juan Jesus Narvaez Goñik osatzen duten bikotearen lekualdatzea ere onartu dute. Duela 22 urtetik Mexikon bizi ziren iheslari gisa seme-alabekin, eta 2014an estraditatu zituzten. Biek ala biek beteko dituzte euren zigorren herenak 2029an.
Bukatzeko, Iñigo Vallejo El Duesoko kantabriar zentrotik hurbilduko dute.
Terrorismoaren Biktimen Elkarteak (AVT) gogor kritikatu du Fernando Grande-Marlaska zuzendari duen departamentuaren erabakia. Ohar batean salatu du ETAko "50 preso soilik" geratzen direla Hego Euskal Herritik kanpo, eta iradoki du Barne Ministerioak oporrak "aprobetxatuz" adosten dituela lekualdaketa horiek, "zarata mediatiko gutxiago" dagoenean.
Elkartearen kalkuluen arabera, ETAko presoen % 70 Euskal Autonomia Erkidegoko eta Nafarroako espetxeetan dago preso.
Zure interesekoa izan daiteke
Udal hauteskundeen bigarren itzulia dute bihar Ipar Euskal Herriko 11 herritan, eta lehia estua espero da batzuetan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.