Artolazabal: "Bost presoren kasuak ez ditugu ontzat jo, ez zutelako errotzearen baldintza betetzen"
Eusko Jaurlaritzak Araba, Bizkaia eta Gipuzkoako espetxeen kudeaketa bere gain hartu zuenetik urtebeterako egun gutxi falta direnean, Beatriz Artolazabal Justizia eta Gizarte Politiketako sailburuak hilabete horien "balantze positiboa" egin du, baina aitortu du bazekitela zer zailtasun zituzten. "Beti esan dut transferentzia konplexua dela", adierazi du.
Ostegun honetan Radio Vitorian egindako elkarrizketa batean, Artolazabalek jakinarazi du Eusko Jaurlaritzak ukatu egin duela ETAko 5 preso Euskadiko kartzeletara eramatea "ez zutelako betetzen errotzearen baldintza, euskal espetxe ereduan giltzarria dena". "Legea betetzen ari gara", esan du.
Sailburuaren arabera, eredu hori presoen birgizarteratzean oinarritzen da, eta, horregatik, sustraitzea funtsezko faktorea da lekualdatze eskaera bat onartzeko edo ukatzeko orduan.
Ildo horretatik, ETAko presoen eskaerak "gainerako eskaeren zorroztasun eta zuhurtzia berarekin" aztertu dira, eta aztertu ondoren, ETAko bost presori lekualdatzea ukatu egin zaie "errotzearen baldintza betetzen ez zutelako", adierazi du.
"Euskal espetxeetan, langileen plazen % 20 hutsik daude"
Bestalde, Artolazabalek nabarmendu du Euskadiko espetxeetako plazen % 20 bete gabe daudela, "Espainiako gainerako lekuetan bezala", eta akordio sindikalen (gehiengo sindikala duen UGTrekin) bidez ari direla egoera aztertzen. Hala, sindikatuekin batera, bi urteko epe bat ezarri dute aldaketak egin eta egun nahi den euskal eredura hurbiltzeko.
Artolazabalek adierazi duenez, "transferentziaren aurretik ere bazegoen" arazo hori, eta transferentzia "azpiegiturei eta giza baliabideei dagokienez handicap batzuekin" onartu zela adierazi du. "Bagenekien herentzia bat genuela, eta horri aurre egin beharko geniola", nabarmendu du.
Langileen behar hori "neurri batean" bete ahal izateko, sailburuak azpimarratu du bitarteko funtzionarioen lan poltsa bat jarri dutela martxan, eta horrek ere polemika eta eztabaida eragin duela, bere ikuspuntutik, "artifiziala" dena; izan ere, "gaur egun premia horiek betetzeko poltsa desegokia dela dioten sindikatuek lehen horrelako lan poltsa bat eskatzen zuten", zehaztu du.
Artolazabalek azaldu duenez, lan poltsa hori aldi baterako sortuko da, momentuko behar horiek asetzeko eta "lan balorazio bat egiteko". Baina sailburuak esan du helburua legegintzaldi amaieran LEP bat egitea dela. Gainera, erantzukizuna eskatu die "eragile guztiei", urrats sendoak eman ditzaten elkarrekin, eta euskal espetxe eredua aurrera atera dadin.
Azken hilabeteetan, Euskadiko espetxeetako funtzionarioek euskal espetxe ereduaren aurka egindako protestei dagokienez (horien arabera, langile gabezia larriak ditu), Eusko Jaurlaritzako sailburuak adierazi du "espetxeen kudeaketatik kanpo" daudela protestok, eta sindikatuen eskaeren edo, nolabait, zentroen funtzionamendu ona oztopatu nahi duten gai politikoen ondorio direla.
Zure interesekoa izan daiteke
Aske utzi dute CAFen aurkako protestan atxilotutako laguna
Protesta larunbat eguerdian egin zuten, Bilboko erdigunean, CAF euskal enpresari Israelekin dituen kontratuak bertan behera uztea eskatzeko. Protestan, lau ertzain eta manifestari batzuk zauritu ziren.
Harrera hunkigarria egin diote Donostian Mikel Zabalzaren omenezko autobus martxari
Guardia Zibilak duela 40 urte hil zuen autobus gidari nafarraren kasua oroitzeko ekimenaren amaieran, ekitaldia egin dute igande eguerdian Boulevardean. Zabalzaren senideek "egia, justizia eta erreparazioa" galdegin dituzte bertan, eta euskal erakundeei "akuilu" gisa aritzeko eskatu diete auzia behingoz argitzeko.
CAFen aurkako protesta egin dute Donostian, eta Israelekin negoziorik ez egiteko eskatu diote
Euskotrenen geltokian egin dute protesta, eta trenen zirkulazioa eten dute zenbait minutuz, trenbidearen gainean pankartak jarrita. Joseba Alvarez protestarien ordezkariak azaldu duenez, “ezin da horrelako proiektu bat aurrera eraman sionismoarekin kolaboratu gabe”, eta horregatik eskatzen diote CAFi bertan behera uzteko Israelekin egindako trenen proiektua.
Sanchezek gobernatzen jarraitzeko nahia agertu du, "egoera zail hau gorabehera"
Caceresen egindako mitin batean, buruzagi sozialistak azpimarratu du PSOE "irmotasunez eta gardentasunez" aritu dela ustelkeria eta sexu-jazarpen kasuen aurrean. Sumar koalizio gobernuko kideak eta inbestidurarako beste bazkide batzuek, EAJk kasu, auzitan jarri dute gobernagarritasuna, eta Sanchezen gaineko presioa areagotu dute.
Auzitegi Nazionala Tubos Reunidosen kontratu bat ikertzen ari da, Leire Diazi ustez eskupekoak emateagatik
Guardia Zibilaren txostenaren arabera, 113 milioi euroko kontratu baten esleipena azkartzeko, komisioak ordaindu zizkion enpresak. Nafarroako Erri Berri enpresarekin egindako beste kontratu bat ere badago ikerketapean.
Gure Eskuk "gehiengoaren borondatea ikuspegi alderdikoien gainetik jartzea" eskatu du eta erabakitzeko eskubidea aldarrikatu du
Erabakitzeko eskubidearen aldeko plataformak Bazkideen Batzarra egin du Gasteizen. "Eragile politiko eta sozialek ardura eta anbizioz jokatu behar dute une historiko honetan burujabetza osoaren bidean urrats sendoak egiteko", adierazi dute.
CAFen kontrako protesta batek Bilboko tranbia geldiarazi du eta Ertzaintzak pertsona bat atxilotu du
Atxilotuak identifikatzeari uko egin dio, Segurtasun Sailaren arabera. Atxilotzeko unean liskarra sortu da, eta Ertzaintzaren lau agente zauritu dira. Protestaren deitzaileek jakinarazi dutenez, hainbat pertsona zauritu dira, jasotako kolpeen ondorioz.
Bilboko tranbiaren zerbitzua eten dute CAFek Israelekin dituen kontratuak etetea eskatzeko
"Boikot Israel. Palestina askatu" lelopean, dozenaka pertsona tranbiaren errailetan etzan dira, bidea oztopatzeko. Ertzaintzak pertsona bat atxilotu du, eta hainbat pertsona zauritu dira, kolpeak hartuta.
EAJ eta PSOE "bereizezinak" direla uste du PPk: "Interes pribatuen mesederako koalizioa da"
Euskadiko PPk Gabonetako bazkaria egin du gaur Gasteizen, eta Miguel Telladok eta Javier De Andres EAEko PPko presidenteak EAJri zuzendu dizkiote kritikak.
Andueza: "Aurrekontu akordioak lortzea Euskadiren alde jokatzea da, horren alde lan egitea"
Eneko Andueza PSE-EEko idazkari nagusiaren arabera, Eusko Legebiltzarrean eta beste erakundeetan sozialisten babesarekin onartu diren edo onartuko diren aurrekontuek argi erakusten dute sozialistak, beste batzuek ez bezala, ez daudela denbora galtzen.