Horrelakoak izango dira datorren astelehenean hasiko diren PSE-EEren barne hauteskundeak
PSE-EEk Batzorde Nazionala egin du gaur Bilboko Euskalduna jauregian. Udal eta foru hauteskundeei begira, sozialistek alderdiko barne hauteskundeen behin betiko egutegia aurkeztu dute. Eneko Andueza alderdiko idazkari nagusiaren hitzetan, prozesua "indarra hartzeko funtsezko bidearen lehen pausoa da, udaletan eta aldundietan gure presentzia sendotzeko eta, azken finean, euskal politikagintzan erabakigarriak izaten jarraitzeko".
Uztailaren 23an barne hauteskundeak deitu ostean, prozesua irailaren 19an eta 20an abiatuko da. Orduan, hautagaitzak aurkeztu beharko dituzte.
Ondoren, irailaren 21etik 27ra, hautagaiek abalak aurkeztu beharko dituzte, eta 28an, hautagaitzak ofizial egingo dituzte. Kanpaina irailaren 29tik urriaren 8ra izango da.
Urriaren 9an bozketaren lehen itzulia egingo dute sozialistek. Bi hautagaitza baino gehiago dauden kasuetan, eta inork gehiengo absolutua lortzen ez badu, bigarren itzulia urriaren 16an izango da.
Abalei dagokienez, boto eskubidea duten militanteen % 12k gutxienez babestu beharko dute hautagaitza bakoitza. Babesen muga militantziaren % 15 izango da hautagaientzat.
Arreta Donostian
PSE-EEren barne hauteskundeak ezusteko handirik gabe igarotzea espero dute, baina arreta, zalantzarik gabe, Donostiako Udalean izango da.
Han, Odon Elorza Donostiako alkate ohiak Alkatetzara berriro aurkezteko asmoa azaldu zuen; ondorioz, aldez aurretik, Marisol Garmendia egungo bozeramaile sozialistarekin neurtu beharko ditu indarrak. Garmendiak ere bere burua aurkeztuko duela baieztatu du.
Modu ez ofizialean bada ere, Garmendiak boto-eskubidea duten 57 militanteren babesa jaso du. Beraz, aurkeztu ahal izateko beharrezko abalak (53) lortuko dituela ematen du.
Elorzak ere abalak eskuratzea espero da, batzuek babesten dutelako, eta besteek, lehen lehia gainditzea eta hautagaitza benetan borrokatzea nahi dutelako.
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.