Aizpurua: "Espainiako aurrekontuen negoziazioan, EH Bilduk gai sozialak jarriko ditu mahai gainean"
2023rako aurrekontuak adostea izango da Espainiako Gobernuak datozen asteotarako duen eginkizun nagusienetakoa, eta, bide horretan, negoziazio mahaiko arduradunekin "lehen kontaktuak" izan dituztela aitortu du Mertxe Aizpurua EH Bilduren Kongresuko eledunak. Horren hitzetan, ezker abertzaleko koalizioak, aurrekoetan bezala, "herritarren onura" helburu duten "gai sozialak jarriko ditu mahai gainean". Zentzu horretan, Espainiako egungo Gobernuak "duen alderdirik garrantzitsuena, arlo sozialean sakontzeko aukera" dela azaldu du, "guk nahi adina aurreratzen ez bada ere".
Gobernukide diren PSOEk eta Unidas Podemosek aste honen amaierarako aurrekontu akordioa itxita izatea espero du Aizpuruak, eta behin hori eginda, gainerako alderdiekin negoziatzeari ekitea. "Oraindik, zehatz mehatz ez gara hasi partidez hitz egiten, baina aurreratu dezaket guk gai sozialetan sakontzea eskatuko dugula, Euskal Herrirako hainbat partida eskatzearekin batera. Gainera, kontuan hartu behar dugu azken aurrekontuak izango direla. Datorren urtean, legealdiaren azkena izanda, kontuen luzapena izango da, seguruenik. Horregatik, oso garrantzitsua da oraingoan hainbat gai lotuta uztea", gehitu du.
Zergen erreforma ere izan du hizpide EH Bilduko diputatuak, eta besteak beste, Espainiako Gobernuak joan den astean iragarritako ondasun handien gaineko zerga hankamotz geratzen dela iritzi dio, "3 milioiko langa altuegia" delako eta "fortuna handi asko libre" geratuko direlako. Hala, langa hori jaitsi egin beharko litzakeela adierazi du.
Energia enpresei eta banketxeei ezarri nahi zaizkien zergei buruz, berriz, "epe luzerako izango diren egiturazko neurriak" jo ditu ezinbestekotzat. "Epe baterako neurriek une jakin bateko egoera leunduko dute, baina ez dute egoera konponduko", gehitu du.
Euskadi Irratian egindako elkarrizketan, Kataluniari begira ere jarri da Aizpurua. Esan duenez, "desadostasunak eta iskanbilak" oso agerikoak badira ere, atzera begira jarri eta egindako bideari eman behar zaio balioa. "Halako prozesuak zailak dira, eta kontraesanez beteta egon ohi dira. Dena dela, Katalunian zorua ezarrita dago, eta horrek bere fruituak emango ditu", azpimarratu du.
Bide horretan, burujabetzarako Pere Aragones Kataluniako presidenteak hango Politika Orokorreko Eztabaidan aipatutako Quebeceko "argitasun akordioa" Euskal Herrirako ere abiapuntu egokia izan daitekela uste du.
Zure interesekoa izan daiteke
Parte-hartzea aurreko bozetan baino altuagoa izan da eguerdirako Pirinio Atlantikoetan, baina lehen itzulian baino txikiagoa
Gaurkoan, parte-hartzea % 23,95ekoa izan da 12:00etarako, baina % 26,74koa izan zen lehen itzulian; duela sei urte, berriz, % 19,85ekoa izan zen ordu horretarako. Ipar Euskal Herriko 11 herritan egiten ari dira udal hauteskundeak gaur.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.