Botere Judizialaren Kontseilu Nagusiko progresistek Jose Manuel Bandres proposatuko dute Konstituzionalerako
Botere Judizialaren Kontseilu Nagusiko sektore progresistako batzordekideek Jose Manuel Bandres Auzitegi Goreneko epailea izendatu dute hautagai Auzitegi Konstituzionalerako, epaileen gobernu organoko iturriek jakitera eman dutenez. Iturri horiek, halaber, azaldu dute progresistek bilera egingo dutela sektore kontserbadorearekin ostegun arratsaldean, 16:00etatik aurrera.
Bandres magistratua 1980tik dabil epaile, eta 2003tik dago Auzitegi Gorenean. Zuzenbidean doktorea da, eta Bartzelonako Unibertsitatean irakasle ibili da. Frantziako, Italiako eta Herbehereetako hainbat fakultatetan ibilia da.
Gernikako epaitegian hasi zen epaile, eta Katalunian eta Aragoin ere izan da. 1985ean izendatu zuten magistratu Kataluniako Auzitegi Nagusiko aurrekarian.
Botere Judizialaren Kontseilu Nagusiko alde kontserbadoreak bilera izan du asteazken gauean, eta, hori amaituta, "ezinbestekotzat" jo zuen alde progresistarekin negoziazioak berreskuratzea, epaileen gobernu organoak izendatu behar dituen bi epaileak adosteko. Orain, sektore progresistaren proposamena (Bandres) eta arratsaldeko bileraren iragarpena testuinguru horretan iritsi dira.
Asteazkeneko bileraren gaineko xehetasunak dituzten iturri batzuen arabera, bertan izandako bederatzi batzordekideek adostu zuten kontaktuei berriro ekitea, hautagai egokiak adosteko asmoz. Asmoa da alde kontserbadoreak hautagaien zerrenda labur bat ixtea.
Bete egin dira aurreikuspenak, kontuan izanik Bandres zela faboritoa, Pablo Lucasen aurretik. Biak dabiltza Goreneko Auzien Auzitegian; magistratuen postuak bete gabe egoteak Auzitegi horretan izan du eragin handienetakoa, jarduneko Kontseiluak ezin baitu izendapenik egin.
Kontserbadoreek diote oraindik ez dutela hautagairik, baina azken egunetan, Pablo Llarena eta Julian Sanchez Melgar Goreneko magistratuei galdetu diete ea orain bideragarri ikusten duten hautagai izatea, kontuan izanik negoziazioak apurtu egin direla eta horrek beste egoera bat zehazten duela.
Bi magistratuak izendatzeko, gutxienez 11 boto behar dira; hortaz, progresistak eta kontserbadoreak adostasun batera heldu beharko dira, zortzina batzordekide dituztelako. Horiez gain, Vicente Guilarte eta Wenceslao Olea moderatuak daude; guztira, 18 batzordekide daude, egun.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.