Jaurlaritzak De Miguel eta Otxandiano kaleratzea agindu du
Eusko Jaurlaritzak Alfredo de Miguel eta Koldo Otxandiano Arabako EAJko buruzagi ohiak kaleratzea agindu du, Auzitegi Gorenak ustelkeriagatik ezarritako kondenak berretsi eta gero.
Hain zuzen ere, De Miguel Hazi sozietate publikotik kaleratzeko agindua eman du, eta Otxandiano, aldiz, Arabako Teknologia Parketik.
Ekonomiaren Garapenerako Sailak adierazi duenez, kondenaren jakinarazpen ofiziala jaso eta gero gauzatuko ditu kaleratzeak. Izan ere, "hedabideen bitartez" izan du gaur Gorenaren erabakiaren berri.
Gaur goizean, oposizioak kritikatu egin du De Miguelek enpresa publiko batean erantzukizuna izaten jarraitu izana.
Jaurlaritzaren gaitzespena
Ordu batzuk lehenago, Iñigo Urkullu lehendakariak ustelkeria gaitzetsi du eta "etikarekin eta gardentasunarekin duen konpromisoa" berretsi du. Testuinguru horretan, epai judizialak "onartzeko eta betetzeko" deia egin du.
Sare sozialetan argitaratutako mezu batean, Justiziak hartutako erabakiak guztiz errespetatzen dituela nabarmendu du, eta "erabaki horiek onartu eta bete" egin behar direla azpimarratu du, "prozedura judizialen bidea ere errespetatuz".
Era berean, Bingen Zupiria Eusko Jaurlaritzako bozeramaileak "gaitzespen irmoa" agertu du epaiak frogatutako jokabide ustelen aurrean, eta ebazpenaren izaera "irmoa" berresten bada, Jaurlaritzak "horren arabera" jokatuko duela adierazi du.
Zupiriak Gobernu Kontseiluaren osteko prentsaurrekoan egin ditu adierazpenok, eta Jaurlaritzak ebazpena "errespetatu, onartu eta beteko" duela ziurtatu du.
Auzitegi Gorenaren epaia, irmoa, Arabako Probintzia Auzitegiaren autoa argitaratu eta hiru urtera iritsi da, eta zigortuetako batzuek aurkeztutako errekurtsoei erantzun die.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.