De Miguel auziko epaia irmoa da, orain zer?
Auzitegi Gorenak De Miguel auziaren epai irmoa jakinarazi zuen atzo. Horrenbestez, Euskadin inoiz epaitutako ustelkeria kasu handienak utzitakoak betearazteko pausoak abiatuko dira.
Prozedura judizialari dagokionez, Gorenak aldeei eta Arabako Lurralde Auzitegiari jakinarazi behar die, ofizialki, epaiaren nondik norakoak. Arabako auzitegiari dagokio, hain zuzen ere, bi urte baino gehiagoko kondena jaso dutenak kartzelatzeko agindua ematea.
Egoera horretan daude ustelkeria sarearen hiru buruzagiak jotakoak, EAJren ABBko buruzagiak denak ere, —Alfredo de Miguel, Koldo Ochandiano eta Aitor Telleria—. Hurrenez hurren, eroskeria, dirua zuritzea eta prebarikazioa egotzita, honako zigorrak ezarri dizkie Gorenak hirurei: 12 urte eta 4 hilabetekoa, 7 urte eta 6 hilabetekoa eta 5 urte eta hilabete batekoa. Xabier Sanchez Robles Eusko Jaurlaritzaren Gazteria Saileko zuzendari izandakoak, bestalde, 7 urte eta hilabeteko zigorra bete beharko du.
Zigorrak zigor, kartzelan eman beharreko gehienezko epea ere zehaztu zuen atzo Gorenak: De Miguel Arabako jeltzaleen "bigarrena" zenak 9 urte bete beharko ditu; Koldo Ochandianok 6 urte eta 9 hilabete. Azkenik, Aitor Telleriak 5 urte pasatxo eman beharko ditu giltzapean.
Bi urte baino gehiagoko kondena dute (lau urte pasatxokoa), halaber, Iñaki San Juan eta Josu Azkarraga kultura enpresaburuek. Gainerako zigortutakoek ez dute espetxera joan beharko.
Dena dela, De Miguel auziko zigortutakoek babes helegitea aurkez dezakete Auzitegi Konstituzionalean, euren oinarrizko eskubideak urratu dituztela argudiatuta. Defentsa abokatuek ez dute argitu errekurtsoa aurkeztuko ote duten, eta ez dago argi, horrek espetxeratzean izango lukeen ondorioa. Bide hori agortuta, Estrasburgoko Auzitegira ere jotzea badute.
Bien bitartean, ebazpena jaso bezain pronto, Alfredo de Miguel eta Koldo Ochandiano kaleratuko dituela iragarri du Eusko Jaurlaritzak. Biek ala biek postu publikoa dute: De Miguelek Hazi sozietate publikoan, eta Ochandianok Arabako Teknologia Parketik.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.