Griñanen espetxeratzea etetea eskatu du Fiskaltzak, gaixotasunaren inguruko "txosten zehatzagoa" izan arte
Ustelkeriaren aurkako Fiskaltzak Sevillako Auzitegi Medikuntzako Institutuari eskatu dio Jose Antonio Griñan Andaluziako Juntako presidente sozialista ohia espetxeratzea bidezkoa den ala ez argitzeko txosten zehatzagoa egin dezala. Griñani sei urteko kartzela zigorra ezarrio zioten enplegu-erregulazioko espedienteen auzian.
Andaluziako Juntako presidente ohiaren defentsak, baina, eskakizuna bertan behera uzteko eskatu zion Sevillako Auzitegiari, gerora sortutako gaixotasun larri bat argudiatuta.
Testuan, ustelkeriaren aurkako Fiskaltzak Sevillan dituen fiskal ordezkariek adierazi dutenez, Sevillako Auzitegi Medikuntzako Institutuak 2023ko urtarrilaren 3an emandako txostena ikusita, eta kontuan izanda Griñanek oraindik ez duela tratamendua hasi, "auzitegiko medikuak, gaixotasunaren bilakaeraren azterketa egin behar zela ikusita, ondorioztatu zuen ez zela komeni espetxean sartzea, harik eta Urologia eta Onkologia Raditerapikoko Zerbitzuek Patologia Onkologikoa jarri ziotela baieztatu arte".
Sevillako Auzitegi Medikuntzako Institutuak arrazoitu duenez, espetxean sartzeak "ez du laguntzen gaixotasunari aurre egiten, pertsonak eskura dituen baliabide guztiak behar baititu".
Auzitegi Gorenak uztailean berretsi zuen Griñani ezarritako kondena, sei urte eta egun bateko kartzelaldia. Ordutik, espetxean ez sartzeko ahaleginetan ibili da haren defentsa.
Joan den abenduan, baina, Griñanek zein beste sei zigortuek aurkeztutako erregu-errekurtsoak baztertu zituen Sevillako Auzitegiak, eta 10 eguneko epea eman zien espetxean sartzeko. Salbuespen bakarra egin zuen Auzitegiak: Agustin Barbera Enplegu kontseilariordeari kartzelan sartzeko agindua behin-behinean eten zion gaixo zegoela kontuan hartuta.
Hori da, hain justu, Griñanen abokatuek orain baliatu nahi duten argudioa. Diotenez, buruzagi sozialista ohiak "sendaezina den gaixotasun larria" du (prostata minbizia, nonbait) eta, kartzelan sartuta, ezingo du behar duen tratamendua jaso. Horrenbestez, Sevillako Auzitegiak erabaki du momentuz bertan behera gelditzea espetxealdia.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.