Llarena epaileak sedizio delitua kendu dio Puigdemonti
Pablo Llarena Auzitegi Goreneko magistratuak sedizio delitua erretiratu dio Carles Puigdemont Kataluniako presidente ohiari, baina oraindik ere auzipetuta jarraitzen du dirua bidegabe erabiltzeagatik eta desobedientziagatik. 2017ko urriaren 1eko gertakarien instrukzioa daraman epaileak hartu du erabakia.
Auzitegi Gorenak gaur goizean jakinarazi duenez, sedizio delitua indargabetzen eta dirua bidegabe erabiltzeko delitua murrizten duen erreforma indarrean sartu ostean, ikertutako gertaera horientzat "despenalizaziotik gertu dagoen" testuinguru bat planteatzen da, desordena publikoen delituarekin bat ez datorrela iritzita.
Halaber, sedizio delituagatik Carles Puigdemont, Toni Comin eta Lluis Puig Kataluniako kontseilari ohiak atxilotzeko indarrean zegoen euroagindua bertan behera utzi du. Hala ere, dirua bidegabe erabiltzeagatik eta desobedientzagatik hiru buruzagi horiek atxilotzeko nazioarteko agindua emango du.
Dena dela, euroagindu hori sinatzeko itxaron egingo du Europako auzitegiek Carles Puigdemonten immunitateari buruz erabaki arte.
Bestalde, Marta Rovira ERCko idazkari nagusiari eta Clara Ponsati kontseilari ohiari desobedientzia delitua leporatzen die, eta, beraz, ez liokete espetxe eskaerari aurre egin beharko.
Erreakzioak
Pere Aragones Kataluniako Generalitateko presidenteak Pablo Llarena magistratuaren erabakiaren inguruko lehen balorazioa egin du. "Lehen hiru deliturengatik eskatzen zen estradizioa, eta, orain, biregatik. Larriena erori da", esan du Catalunya Radio irrati kateari gaur goizean eskaini dion elkarrizketan.
Aragonesek azaldu duenez, ez ditu Llarenaren erabakiaren xehetasunik ezagutzen, eta "errepresaliatu guztien defentsa estrategiarekiko errespetu osoa" adierazi du, "baita Puigdemont presidentearena ere".
Bestalde, Isabel Rodriguez Espainiako Gobernuko bozeramaileak gogorarazi du Puigdemontek zigor bat betetzeke duela oraindik, Kataluniako prozesuan kondenatutako beste batzuek bezala, eta Espainiako justiziaren aurrean erantzun beharko duela Estatura itzultzen denean.
Gainera, bozeramaileak azpimarratu du Zigor Kodearen erreforma Europako gainerako legedia penalarekin homogeneizatu eta harmonizatu dela, eta hori Espainiak Euroguneko gainerako estatuekin zuen konpromisoa dela.
Orain Estatuak beste erreferendum bat geldiarazteko izango lituzkeen tresnei dagokienez, Lurralde Politikako ministroak nabarmendu du egungo Katalunia ez dela 2017ko bera, eta politikan tresnarik onena elkarrizketa dela.
Zortzi eguneko epea alegazioak aurkezteko
Prozes auzia epaitzeaz arduratu zen epaimahaiak zortzi eguneko epea emango die buruzagi independentisten abokatu eta akusazioei Zigor Kodearen erreformak zigorretan ekar ditzakeen aldaketen aurrean alegazioak aurkezteko.
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.