Ibarrako zinegotzi batek jasandako erasoa gaitzetsi du EAJk
EAJk bere "gaitzespen irmoa" adierazi du Juan Luis Cid Ibarrako (Gipuzkoa) zinegotziak jasandako erasoa dela eta. Ildo horretan, "onartezintzat" jo du "pentsamolde ezberdinak batera egotea onartzen ez duten eta pentsamendu bakarra inposatu nahian" dabiltzan herritarrak egotea.
Erasoa larunbat arratsaldean (18:15 aldera) gertatu zen, kalean bertan. EAJk ohar batean azaldu duenez, "inolako arrazoirik gabe" erasotzailea 66 urteko zinegotzi jeltzalea iraintzen hasi zen, eta ondoren, ukabilkada bat eman zion aurpegian eta ostikada bat urdailean. "EAJren aurka inproperioak jaurti zituen, erasoa ezer egin gabe ikusi zuten herritarren aurrean", kritikatu du.
Cidek salaketa jarri ostean, Ertzaintzak ikerketa zabaldu du, baina ez du oraingoz atxiloketarik egin.
Jeltzaleen esanetan, aurretik ere pairatu dituzte erasoak EAJk Ibarran dituen zinegotziek. "Hutsak, irainak eta begirada txarrak jasan dituzte, eta, orain, eraso hori izan da edalontzia bete duen tanta", gaineratu dute.
Alderdiak salatu duenez, "gure herrian, gure gizartean, oraindik ere badira pentsamolde ezberdinak batera egotea onartzen ez dutenak; zenbaitek pentsamendu bakarra inposatu nahian jarraitzen dute; eta hori onartezina da. Jarrera horiek ez dute lekurik Ibarran, eta behingoz amaitu behar dute. Pertsona guztiak errespetatzea eskatzen dugu, haien ideologia, militantzia edo kidetasun politikoa edozein izanda ere".
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.