Iruñeko emakume batek kereila bat aurkeztu du frankismoan jasandako torturengatik
Argentinako Kereilari Laguntzeko Estatuko Koordinakundeak (CEAQUA) frankismo garaiko segurtasun indarreko agenteen aurka aurkeztutako lau kereilaren berri eman du. Kereila horien artean dago Maria Concepcion Edo Gilena; Iruñeko epaitegietan aurkeztu du. Torturak jaso zituen 1973an sindikatu bateko panfletoak banatzeagatik atxilotu zutenean.
Jacinto Lara CEAQUAko talde juridikoko kideak ekintza penalak abiatzea erabaki duten pertsonen "balioa eta ausardia" nabarmendu du, "zigorgabetasun esparru batean" 1978an Konstituzioa onartu zenetik. Deitoratu du hamarkadetan Estatuak uko egin diola krimen horiek epaitzeari, eta memoria demokratikoaren lege berriarekin delitu horiek ikertzeko aukera bat irekitzen dela gaineratu du.
Lehenago, beste 80 kereila ez ziren onartu, amnistiaren legean babestuta. Lararen arabera, orain garai egokia da kereila kriminal horiek bultzatzeko. Gogorarazi duenez, memoria demokratikoaren legea onartzean, talde parlamentarioek "zigorgabetasun esparruari amaiera ematen zitzaiola" adierazi zuten. "Ea betetzen den", esan du.
Bestalde, Daniel Canales Amnesty Internationaleko bozeramaileak azaldu du espero duela kereila berri horiek aukera bat izatea errepresaliatuei nazioarteko zuzenbidearen araberako erantzuna emateko, nahiz eta, amnistiaren legearen ondorioz, ohikoa ez izan.
"Amnistiak bateraezinak dira tortura ekintzak aztertzearekin", esan du, eta gaineratu du "hamarkadetako horma hori bota behar dela, mina ez baita isiltasunez eta ahanzturaz sendatzen, justiziaz baizik".
Iruñeko epaitegietan aurkeztutako kereilari dagokionez, Maria Concepcion Edok gogorarazi du torturak eta tratu iraingarria jasan zituela 1973ko ekainean, 19 urterekin, Telefonicaren eraikinetik sindikatu baten panfletoak jaurti ondoren.
Azaldu duenez, etxera itzultzean jendea zegoela ikusi zuen, eta bat-batean bere burua eskaileretan behera ikusi zuen. Polizia etxean zegoela, medikuek ez zuten artatu, eta agenteek "zorra, guarra eta puta" deitu zioten. Hainbat agenteren artean jo zuten, "burutik oinetara", batez ere sabelean.
Bizi guztirako markatuta irten zen, umetokia lekuz aldatuta, hainbat orno mugituta eta lesio kronikoekin. Ospitalean hilabete eman ondoren, poliartrosia diagnostikatu zioten, kolpeen ondorioz. Espetxeetako baldintza txarrak ere gogorarazi ditu.
Edok kereila aurkeztea erabaki du, gertatutakoa jakitera emateko. "Hainbeste presok pairatutakoa ikertzea" beharrezkoa dela iritzita, errepresaliatutako emakume eta gizonei bat egiteko deia egin die. "Hondar ale txiki bat izatea espero dut, torturatu zutenak epai ditzaten", adierazi du. Bere kereilak Jose Blanco Martin eta Jose Bernardo Barba Martin agenteen izenak jasotzen ditu.
Gainera, beste hiru kereila aurkeztu dira Espainiako beste epaigetietan, eta horietako batean Jose Manuel Villarejo komisarioa agertzen da.
Albiste gehiago politika
PP eta Espainiako Gobernua aurrez aurre, eskumuturreko telematikoak direla eta
Iaz, tratu txarrak ematen dituztenentzako eskumuturrekoak kudeatzen dituen enpresa aldatu zenean, akats informatikoak izan ziren, eta, ondorioz, epe mugatu batean, erasotzaileen kokapenari buruzko informazioa galdu zen.
Honelakoa da EAJk berreskuratutako eraikin ikonikoaren barrualdea
EITBk Paris erdialdeko Marceau etorbideko 11. zenbakian dagoen eraikin sinbolikoaren barrualdea bisitatu du. Erbesteko Eusko Jaurlaritzaren egoitza izan zen eraikina "justizia eta memoria historikoa konpontzeko ekintza gisa" berreskuratu izana pozik hartu dute jeltzaleek.
Sumarrek uste du lehendakariaren proposamenak "marketin hutsa" direla eta "aldaketak" behar direla
Sumar mugimenduak "marketin" gisa baloratu ditu Imanol Pradales lehendakariak Politika Orokorreko Osoko Bilkuran egindako proposamenak, eta ekonomia demokratizatzeko eta klima-aldaketari aurre egiteko lan egingo dutela iragarri du.
EH Bilduk "elkarrizketa nazionala" bultzatuko du "herri proiektu sendo bat eraikitzeko eta erronkei anbizioz erantzuteko"
"Euskal herritarrak entzun, erronkak partekatu eta adostu nahi dugu, guztion artean bakarrik eraiki ahal izango dugulako herri proiektu sendo bat eta aurrean ditugun erronka handiei erantzun", azpimarratu du Otegik.
EAJk esan du Parisko eraikina itzultzea "justizia ekintza bat" dela, eta ez duela ahaztuko PPren eta Voxen "eskandalua"
Marceau etorbideko eraikinak ekitaldi hunkigarria hartu du larunbat honetan, eta bertan izan dira Aitor Esteban EBBko egungo presidentea eta Andoni Ortuzar EBBko presidente ohia (bere agintaldian berreskuratu zuen EAJk eraikina). Horiekin batera izan dira Imanol Pradales lehendakaria eta Eusko Jaurlaritzako hainbat sailburu, Kongresuko, Senatuko eta Europako Parlamentuko bozeramaile jeltzaleak eta Arabako, Bizkaiko eta Gipuzkoako Batzar Nagusietako presidenteak, besteak beste.
EAJk Parisko Marceau etorbideko jauregitxoa berreskuratu duela ospatuko du gaur
Eusko Jaurlaritzako zenbait sailburu eta buruzagi jeltzale izango dira gaur Frantziako hiriburuan, nazien okupazioaren garaian, 1940an, lehen Eusko Jaurlaritzari konfiskatu zioten eraikina itzuli dietela ospatzeko.
Estatus politikoari buruzko eztabaidan aurrera egiteko eskatu die Gure Eskuk alderdi politikoei "subiranotasun osoa" lortzeko
Mugimenduak azpimarratu du zazpi euskal lurraldeen burujabetza eta batasunerako bide praktikoak sartzearen garrantzia, Euskadiren estatus politikoari buruzko balizko edozein akordiotan.
Pradalesek eta Illak migrazioaren kudeaketa eta euskararen, katalanaren eta galizieraren ofizialtasuna aztertu dituzte
Aipatu hiru hizkuntzak "Bruselan entzun eta erabil daitezen" hartutako konpromisoa berretsi dute gaurko bileran, eta azpimarratu dute elkarrekin lanean jarraituko dutela Europako erakundeetan "ofizialtasuna lortu arte".
Kataluniako bizikidetza ez dela "osoa" izango berretsi du Illak, Puigdemonti eta Junquerasi Amnistia Legea aplikatu arte
Kataluniako bizikidetza ez dela "osoa" izango berretsi du Salvador Illa Generalitateko presidenteak, Carles Puigdemonti Amnistia Legea aplikatu arte, Kataluniara itzultzea errazteko, eta Oriol Junquerasi hauteskundeetan aurkeztu ahal izateko. "Zergatik diogu beldurra denok egongo garen etorkizun bati?", galdetu du.
EAJk "diskrezioa" eskatu die alderdiei estatus berriaren negoziaketaren inguruan
ETB1eko "Egun on Euskadi" saioan egindako elkarrizketan, Joseba Diez Antxustegi EAJren Legebiltzarreko bozeramaileak adierazi du estatus berriaren negoziaketen inguruan alderdiak egiten ari diren adierazpenek ez diotela on egiten lortu nahi den akordioaren lanarai. Hala ere, Antxustegi baikor agertu da eta alderdien arteko elkarrizketa "ondo aterako direla" uste du.