Martxoaren 3ko Memoriala Fundazioaren eraketa eta estatutuak onartu dituzte
Eusko Jaurlaritzak eta Arabako Foru Aldundiak Martxoaren 3ko Memoriala Fundazioaren estatutuak onartu dituzte. Fundazio horretako kide izango dira, Gasteizko Udalarekin eta Elizbarrutiarekin, eta elkarte memorialistekin eta biktimekin batera. 1976ko martxoaren 3ko sarraskiak kaltetutakoen omenezko zentroa bultzatzeaz arduratuko da. Polizia Armatuak bost pertsona hil zituen, tiroz.
Bingen Zupiria Eusko Jaurlaritzako bozeramaileak gaur, Gobernu Kontseiluak neurri hori hartu ostean, adierazi du Fundazioaren eraketa eta estatutuak inplikatutako alderdi guztiek onartzea "urrats erabakigarria" dela proiektua aurrera eramateko.
Zupiriaren hitzetan, 1976ko martxoaren 3an Gasteizko San Frantzisko elizan langile batzarra egiten ari zirela Polizia Armatua tiroka sartu zen toki berean eraikitzeak "gasteiztar askoren nahiari eta haien memoria kolektiboan grabatuta dagoen asmo bati erantzuten die".
Fundazioak izaera publikoa izango du, eta Eusko Jaurlaritzak, Gasteizko Udalak, Arabako Foru Aldundiak eta Gasteizko Elizbarrutiak osatuko dute.
Gizarte ekimenak —Martxoak 3 eta Memoria Gara kolektiboek ordezkatuta— Fundazioaren Patronatuan parte hartuko du, lau ordezkarirekin. Fundazioa eratzen denetik aurrera, erakunde horren Patronatua izango da memoriala sortzeko prozesuaren buru.
Hain zuzen ere, Martxoak 3 Elkarteak azpimarratu egin du Biktimen Oroimenezko Zentroa abian jartzeko "erakundeek azken unean egindako norabide aldaketa".
Prentsaurrekoan, elkarteak salatu du "seriotasun faltak eta gidoiaren ustekabeko birek" markatu dituztela azken hilabeteak, eta ohartarazi du "adi" jarraituko duela Udalak, Foru Aldundiak eta Jaurlaritzak "akordioa osorik bete dezaten eta prozesuan benetan parte hartuko dutela berma dezaten".
Estatuaren parte-hartzea
Bestalde, Gorka Urtaran Gasteizko alkatearen ustez, fundazio horretan parte hartu aurretik Espainiako Gobernuak "ariketa bat egin behar du: barkamena eskatu eta hura ondo egon ez zela aitortu".
"Egia da ez (Pedro) Sanchez ez (Mariano) Rajoy ez direla erantzuleak, baina ezta David Cameron ere, urte asko geroago publikoki 'Igande Odoltsua'ren hilketak okerrak eta justifikaziorik gabekoak izan zirela aitortu zuen Erresuma Batuko lehen ministroa", argudiatu du Radio Vitorian egindako elkarrizketan.
Urtaranen adierazpen horiei erantzunez, Denis Itxaso Espainiako Gobernuak Euskadin duen ordezkariak esan duenez, "1978ko Konstituziotik sortutako Estatu demokratikoa ez da inola ere 1976ko martxoan hilzorian zegoen erregimen frankistaren oinordekoa".
Espainiako Gobernua fundazio horretan ez sartzearen inguruan galdetu diote kazetariek Zupiriari, eta EAEko Exekutiboaren bozeramaileak esan du Jaurlaritzan (EAJ-PSE) sailburu bakar batek ere ez duela "eragozpenik" jarri memorialaren inguruan gaur onartutako puntuak onartzeko.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.