Andueza: "Hizkuntza eskubideak bermatu behar dira, baina leku batzuetan malgutasuna erabili behar dugu"
Eneko Andueza PSE-EEko idazkari nagusiak hizkuntza eskubideak bermatzearen alde egin du, baina "leku batzuetan malgutasun apur batekin" jokatu behar dela erantsi du, mapa soziolinguistikoari erreparatuta. "Hausnartu egin behar da, egokitzeko momentuan gaude", nabarmendu du.
Euskararen inguruan gaur bertan ezagutu den epai bati buruz galdetu diote Anduezari Euskadi Irratiko "Faktoria saioan", eta horren harira egin ditu adierazpenok. EAEko Auzitegi Nagusiak ebatzi duenez, Hezkuntza Sailak Bizkaiko eskola garraioari lotutako kontratazio batean jarritako hizkuntza eskakizunak "inposizio" bat dira.
EAEko sozialisten buruaren iritzian, "(hizkuntza) eskubideak bermatu behar dira, baina mapa soziolinguistikoari begiratzen badiogu, akaso leku batzuetan eskatzen diren hizkuntza eskakizunak ez dira mapa horren harira joaten. Hausnartu egin behar da, egokitzeko momentuan gaude".
EITB Focus boto asmoari buruzko inkestak PSE-EEri batzar nagusietan eta hainbat udaletan iragarritako beherakadari buruz, Anduezak esan du galdeketa horren emaitzak ez daudela "errealitatetik oso gertu"; "inkestak inkesta dira", gaineratu du. Gasteizko Udalaren kasua aipatuta, Maider Etxeberria sozialista alkate izendatzea "oso posible" ikusten du Anduezak: "ilusio handia dugu", aitortu du.
Hauteskunde ondoko balizko itunei dagokienez, ez du ziurtzat jo EAJrekin ituna egitea. "Auskalo", errepikatu du hainbat bider. Are gehiago, jeltzaleen eta EH Bilduren arteko akordioa ere ez du baztertu: "Askotan ikusi dugu euren gauzetan ados jartzen direla. Adibidez, bihar Legebiltzarrean eztabaidatuko den erabakitzeko eskubidearen inguruko testu batean ados jarri dira. Auskalo, ez dakigu zein norabide hartuko duten. Igual eurei galdetu beharko diezue".
Albiste gehiago politika
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".
Estatutu berria adosteko dei egin die lehendakariak alderdiei, Euskadirentzat "garai zailak" datozela eta
"Orain alderdien garaia da; hitz egin, negoziatu eta adosteko garaia", azpimarratu du lehendakariak. Ildo horretan, iragarri du ekainean berriro alderdiekin bilera erronda egingo duela egindako ibilbidea aztertu, ebaluatu eta ondorengo urratsak aztertzeko. Autogobernuari lotuta, urtea amaitu arteko epea eman dio Pedro Sanchez Espainiako gobernuburuari Gernikako Estatutua osorik betetzeko.
"Gure garapena oztopatu dezakeen garai txarra" etor daitekeela ohartarazi du Pradalesek
Politika Orokorreko Osoko Bilkuran lehendakariak iragarri duenez, "erasoaldi autoritario baten aurrean gaude, eta gure autogobernua eta nortasuna zalantzan jartzen ari dira".
Pradales: "Euskal zerbitzu publikoak indartzeko dugun konpromisoa negoziaezina da"
Politika Orokorreko Osoko Bilkuran lehendakariak adierazi duenez, "gure erantzukizuna da euskal ongizate-ereduaren iraunkortasuna bermatzea eta eredu hori eraldatzen asmatzea". Bestalde, "negoziazioaren eta akordioaren" alde egin du, "lubakiak eta marra gorriak" alde batera utzita.