Pablo Iglesiasek "ikuspegi zabala" eskatu dio Podemosi, Sumarrekin bat egite aldera
Pablo Iglesias Espainiako Gobernuko presidenteorde ohiak "ikuspegi zabala" edukitzeko eta "ezkerraren batasuna" defendatzeko eskatu dio Podemosi, Sumar martxan dagoenetik eremu aurrerakoian fronte zabala sortzeko ahaleginean "irainak" eta "ezinikusiak" jaso badituzte ere.
Izan ere, esan du badakiela militante asko "minduta" eta "irainduta" daudela, eta horregatik "errespetua" eskatu beharra dagoela alderdi morearentzat. Dena den, alderdiaren "nortasuna defendatzeko" deia egin du, eta eskua luzatzen jarraitzeko, batasuna beharrezkoa delako, askotan "erraza" izan ez arren.
Horixe adierazi du Iglesiasek Podemosek Zaragozan, alderdi morearen "Udaberriko Festa"ren baitan, nazioarteko geopolitikaren inguruan antolatu duen mahai-inguruan.
Podemoseko ordezkariek uko egin zioten Yolanda Diaz presidenteordearen Sumar hautagaitzaren aurkezpenean egoteari, eta horrek tentsioa sortu du azken bi asteetan. Alderdi moreak aurrez primario irekien inguruan oinarrizko akordioa egitea eskatzen zuen.
Iglesiasek, Diaz eta bere plataforma aipatu ez baditu ere, adierazi du ulertzen duela Podemosen oinarrietan ezinegona egotea.
Ione Belarra Podemoseko buruak eman du topaketako hitzaldi nagusia. Podemosek indartsu jarraitzen duela adierazi du "nahiz eta batzuek ezkerra garai batekoaren antzekoa izatea" nahi duten, "izkina batean egotea, PSOEren apaingarri hutsa izanez, politikan eragiteko gaitasunik gabe". "Gu ez gara hori, eta ez gara izango", aldarrikatu du.
Belarrak mobilizatzeko eskatu die militanteei, "itxaropena" eraikitzeko, baina ez "trikimailu" gisa edo "ezer aldatzen ez duen udaberriko diskurtso" gisa, "ekintza zehatzekin" baizik. Hala, "ausartak" izateko eskatu die, alderdi morea "bidegabekerien aurrean isiltzen ez direnen tresna politikoa" izan dadin.
Irene Montero Berdintasun ministroak eta alderdiko bigarrenak, bere aldetik, "ezkerraren batasuna" defendatu du hurrengo hauteskunde zikloaren aurrean, "ahalik eta indartsuenak" izateko, "nahiz eta jakin Podemos eta Sumar, Mas Madrid edo Compromis oso desberdinak" direla.
"Indar desberdinak gara, baina uste dugu hobe dela Podemosen eta Sumarren arteko koalizio-akordioa, eta gure indarra emateko prest gaude", berretsi du.
Irene Montero. Argazkia: EFE
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.