Elkarrekin Podemosek "ausardia" eskatu dio PSE-EEri hitz egiteko eta "berriz ere EAJren menera" ez egoteko
Pilar Garrido Elkarrekin Podemosen (EP) koordinatzaile nagusiak "ausardia" eskatu dio PSE-EEri tokiko eta foru erakundeetan gobernu aurrerakoiak osatzeko bidean, eta ez dadila "berriz ere EAJren aurrean makurtu". "Gutxienez jesar dadila hitz egitera", erantsi du.
Radio Euskadiko "Boulevard" saioari eskainitako elkarrizketa batean, Garridok esan du, hauteskundeen emaitzei erreparatuta, kasu askotan badagoela aukera "gobernu aurrerakoiak eta ezkerrekoak osatzeko, eta aldaketa gauzatzeko". Gobernu mota horiek bermatzen dituzte, horren ustez, "etxebizitza eskubidea izatea, Lehen Arreta indartzea edo Gipuzkoan zerga erreforma progresiboa egitea. EAJk ez du inoiz halakorik egingo, eta hori sozialistek badakite".
Hortaz, espero du PSE-EE ez jartzea "eskuinaren menpe, EAJren eta PPren menera, kale egin duten eta herritarrek zigortu dituzten politiken menpe". "Harrigarria egiten zait PSE-EEk, gertatzen ari direnak eta EAJren desgastea ikusita, gobernu aldaketa ez babestea. Euskal gizartearen gehiengoaren kontra joatea da", gaineratu du.
Horren ildoan, PSOEk Madrilen eta Euskadiko federazioak hemen duten jarrerak alderatu ditu Garridok: "Han, eta hori nik neuk ikusten dut —diputatua da Kongresuan—, PSOEk EH Bildurekin eta ERCrekin bildu eta negoziatzen du, batzuetan akordioak lortzen dituzte, eta beste batzuetan ez", azaldu du.
Azkenik, Gasteizko Alkatetzarako Maider Etxebarria sozialistaren hautagaitza babestuko ote luketen galdetuta, Garridok ezezkoa erantzun du: "Ez, bikotea berdina da (EAJ-PSE-EE), eta badakigu nork erabakitzen dituen politikak". Nabarmendu duenez, "pozik" osatuko lukete ezkerreko gobernu bat PSE-EErekin, eta "gobernu akordioa" erdietsiko balute, gaur bertan sinatuko luke Etxebarriarekin.
Albiste gehiago politika
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.
EAJk Parisen berreskuratu duen eraikina jeltzaleena izatea "sinesgaitza eta okerra" dela esaten jarraitzen du PPk
Aitor Esteban EAJko presidenteak larunbatean Parisen egindako ekitaldietan esandako "irainei" erantzun die Partidu Popularrak ohar baten bidez, zalantzan jarri du berriro eraikin hori EAJrena izan izana, eta Eusko Jaurlaritzarena zela defendatu du.
EAJk martxan dauden akordio prozesuekin bat egiteko eskatu dio Otegiri, eta "mundua ez da gelditzen" ohartarazi dio
Iñigo Ansola BBBko presidentearen arabera, Euskadiren aldeko "akordioak martxan daude", eta "aukerak sortu behar ditugu". EH Bilduko buruzagiari eskatu dio atzerapenik gabe egin dezala bat hasitako akordio prozesuekin.
Eba Blancok uste du Pradalesen estatus berrirako proposamena "berandu" datorrela, eta 2026ko ekainerako "gutxienekoen akordioa" eskatu du
EAko buruaren esanetan, 2026ko ekainean "ezin gara balorazioak egiten aritu", "2027an aukera historikoaren leihoa ixteko arriskua dagoelako", Eusko Legebiltzarraren osaketa alda dezaketen balizko hauteskundeetan.
PP eta Espainiako Gobernua aurrez aurre, eskumuturreko telematikoak direla eta
Iaz, tratu txarrak ematen dituztenentzako eskumuturrekoak kudeatzen dituen enpresa aldatu zenean, akats informatikoak izan ziren, eta, ondorioz, epe mugatu batean, erasotzaileen kokapenari buruzko informazioa galdu zen.
Honelakoa da EAJk berreskuratutako eraikin ikonikoaren barrualdea
EITBk Paris erdialdeko Marceau etorbideko 11. zenbakian dagoen eraikin sinbolikoaren barrualdea bisitatu du. Erbesteko Eusko Jaurlaritzaren egoitza izan zen eraikina "justizia eta memoria historikoa konpontzeko ekintza gisa" berreskuratu izana pozik hartu dute jeltzaleek.