Faltzesko FEP alderdia Polonian emandako boto baten bila ari da, udalerrian gehiengo sinplea emango liokeena
Falces en Positivo (FEP) alderdia Poloniatik neska gazte batek postaz bidalitako boto bat bilatzen ari da; izan ere, hori zenbatuz gero, alderdi horri beste zinegotzi bat emango lioke, baita Faltzesko Udalbatzan gehiengo sinplea ere.
Maiatzaren 28ko hauteskundeetan, FEPek lau zinegotzi lortu zituen, PSNk adina, eta Faltzesiar Talde Independenteak (AIF) hiru ordezkari lortu zituen.
Udaleko iturriek azaldu dutenez, hauteskunde egunean bertan egiaztatu zuten PSNk laugarren zinegotzia FEPrekiko boto bakarreko aldearekin lortu zuela.
FEPk helegite bat aurkeztu zuen, argudiatuz boto baliogabetzat jo zuten boza bat baliozkoa zela, eta Poloniatik postaz igorritako emakume gazte baten beste boto bat zegoela, baina ez zela zenbatu.
Tafalla Eskualdeko Hauteskunde Batzordeak Faltzesen emandako boto guztiak berrikusi zituen, eta erabaki zuen ez zegoela txarto zenbatutako boto-paper baliogaberik, eta ez zegoela jasota Poloniatik posta bidezko botoa iritsi zenik.
FEPk helegitea aurkeztu zuen orduan Tafallako Batzordean, boto horri buruzko informazioa biltzeko eta boto hori zenbatzeko. Hautesleak maiatzaren 17an Poloniako posta-bulegotik boza bidali izanaren egiaztagiria aurkeztu zuen, baina Batzordeak atzera bota zuen errekurtsoa, ez baitzen jaso boto hori.
Orain, FEPek beste errekurtso bat aurkeztu du Hauteskunde Batzorde Zentralaren aurrean, eta baliteke gaur aztertzea auzia, eta ostiralean jakinaraztea erabakia.
Hori dela eta, airean dago Faltzesko Udala osatzeko osoko bilkura datorren larunbatean egitea; izan ere, helegitea atzera botaz gero ere, beste hauteskunde-auzi bat aurkez liteke Eskualdeko Hauteskunde Batzordean, eta horrek espedientea Nafarroako Justizia Auzitegi Nagusiari (TSJN) igorriko lioke.
Albiste gehiago politika
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.