Nafarroak larunbatean hartuko ditu bere gain Trafikoko eta Bide Segurtasunaren arloko eskumenak
Nafarroak bihar, uztailaren 1ean, hartuko ditu bere gain Trafikoaren eta Bide Segurtasunaren arloko eskumenak. Gehienez ere 4 urteko trantsizio-epea irekiko da Foruzaingoak eskumen horiek bere gain har ditzan. Epe horretan, Nafarroako Trafiko Taldeko agenteek 'pasabide' bat baliatu ahal izango dute autonomia-erkidegoko polizia-kidegoan sartzeko.
Maria Chivite Foru Gobernuko jarduneko presidenteak pozik hartu du "mugarri historiko hau", "diktadura frankistak eskumen hori kendu zigulako duela sei hamarkada baino gehiago, eta, azkenean, elkarrizketa eta leialtasun instituzionalarekin berreskuratu dugulako". Nafarroako Araudiak eta Konstituzioak autogobernua errespetatzen dutela nabarmendu du Chivitek, eta 2018. urtean Espainiako Justizia Auzitegi Gorenak horren aldeko ebazpena eman zuen.
Chiviteren esanetan, transferentzia "hainbat urteko egutegiarekin" egingo da, eta "kalitatezko zerbitzua, hurbila, eraginkorra, modernoa eta gure erkidegoaren errealitatera egokitua" emateko konpromisoa hartu du. Nafarroako Gobernuko presidenteak eskerrak eman dizkie prozesu honetan Nafarroarekin zein autogobernuarekin euren konpromisoa agertu dutenei. Halaber, Foruzaingoaren lana txalotu du, Trafikoaren eta Bide Segurtasunaren arloko eskumenak bere gain hartzeko gaitasuna erakutsi duela iritzita. "Nafarroan lan egiten duten gainerako indar polizialei ere eskerrak eman nahi dizkiet, egunero nafar guztientzat lan egiteko prest daudelako", gaineratu du.
Ana Vazquez PPko kideak egindako adierazpenen inguruan galdetuta, Chivitek irmo erantzu nahi izan du; izan ere, uztailaren 23ko hauteskunde orokorrak irabaziz gero, eskumen hori kendu ote daitekeen aztertzeko asmoa iragarri dute popularrek. Testuinguru horretan, Espainiako Gobernuko presidentetza eskuratuz gero, "PPk Francok egin zuen gauza bera ez egitea" espero du Chivitek, "nafar guztiena den eskumen bat kenduz".
Nafarroako Trafiko Taldeko agenteek 'pasabide' bat baliatu ahal izango dute autonomia-erkidegoko polizia-kidegoan sartzeko. Gauzak horrela, Guardia Zibileko Trafikoko agenteak Foruzaingoan sartzeko aukera izango dute datorren urtetik aurrera. Halaber, Foruzaingoan sartzeko izena ematen duten guardia zibilen kopurua ezagutzen denean, Lan Eskaintza Publikoaren deialdia egingo da, zerbitzu hori betetzeko beharrezkoak diren 149 plazak bete arte.
Testuinguru horretan, pozik agertu da Laura Aznal EH Bilduk Nafarroako Parlamentuan duen ordezkaria, Nafarroak Trafikoaren eta Bide Segurtasunaren arloko eskumenak hartuko dituelako, eta modu horretan Foruzaingoa Nafarroako polizia-eredu integrala izateko urratsak ematen direlako. UPNk, berriz, irmo deitoratu du albiste hori, Guardia Zibila eta Espainiako Polizia Nafarroatik kanporatu nahi dituztela arrazoituta.
Zure interesekoa izan daiteke
Epaileak ukatu egin dio Begoña Gomezi NATOren goi-bilerara joatea, baina Londresera bidaiatzeko baimena eman dio
Gomezen defentsak uztailaren 7tik 10era Espainiatik irtetea eskatu zuen, NATOk Turkian egitekoa duen goi-bilerara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".