Ortuzarrek "planteamendu orokorra" eskatu dio Sanchezi babesaren truke, "inbestidura ituna ez da nahikoa"
Andoni Ortuzar EAJren Euzko Buru Batzarreko (EBB) presidenteak dei zuzena egin dio Pedro Sanchez hautagai sozialista eta Espainiako jarduneko presidenteari abertzaleekin eta katalanekin negoziatzen has dadin, eta datozen lau urteetarako "planteamendu orokorra" egiteko eskatu dio, bereziki "Euskadiko eta Kataluniako errealitate nazionalek Estatuan izango duten lekua" zehaztuta. Izan ere, horren aburuz, "inbestidura baterako akordio soila jada ez da nahikoa".
"Auzia orain ez da eskuina geldiaraztea, eskuina geldituta dago, eta EAJk gelditu du", arrazoitu du. Hala, nabarmendu duenez, orain kontua da jakitea "zer borondate politiko" erakutsiko duen Sanchezek behar duen babesa eskuratzeko.
U23aren ondorenak aztertu ditu Ortuzarrek Radio Euskadiko "Boulevard" saioan egin dioten elkarrizketan. Jeltzalearen hitzetan, EAJ "boto baliagarriaren biktima izan da, batez ere PSE-EEk eskuratu duena". Azpimarratu duenez, boto-emaileek Voxen beldur jardun dute, "Euskadin Espainiako eskuinaren kontrako pultsio ikaragarria dago eta". Dena dela, zehaztu du EAJ izan dela Alberto Nuñez Feijooren inbestidura "zapuztu" duena.
Astelehenean PPren buruzagiarekin izan zuen elkarrizketaz galdetuta, azaldu du "oso argia" izan zela euren ezezkoa emateko orduan. EAJ Voxekin "bateraezina" dela eta PPren programa jeltzaleen asmoen kontrakoa dela azpimarratu omen zion.
Bestalde, aitortu du M28ko Udal eta Foru Hauteskundeetan izandako abstentzioarekin "kezkatuta" geratu zirela, baina nabarmendu duenez, EAJk autokritika egin du, eta "estrategia politiko berria du etxean geratu ziren horien botoak berriro bereganatzeko".
Zure interesekoa izan daiteke
Ministro Kontseilua atzeratu egin da Sumarreko ministroak alokairuaren luzapena dekretutik kanpo uztearen aurka agertu direlako
Bilera hori egiteko zain, Ministroen Kontseiluak mahai gainean duen lege-dekretuak neurri fiskal sorta bat jasotzen du, besteak beste erregaien, argiaren eta gasaren BEZa % 10era jaistea ekarriko lukeena.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.