Zurekin Nafarroak eta PSNk Nafarroako Gobernua osatzeko aurreakordioa lortu dute
Nafarroako Gobernua osatzeko negoziazioetan, Zurekin Nafarroak eta PSNk aurreakordioa lortu dute.
Zurekin Nafarroa koalizioaren zuzendaritzak foru gobernu berria osatzeko mahai gainean duen proposamena onartu du, bai programari eta baita egiturari dagokionez ere. Horren arabera, koalizioak Etxebizitza kudeatuko luke.
Ohar bidez azaldu duenez, koalizioa osatzen duten alderdiek (Podemos, IUN-NEB, Batzarre, Independenteak, Aliantza Berdea eta Berdeak Equo) aurreakordioa baliozkotu beharko dute.
Zurekin Nafarroako zuzendaritzaren arabera, aurreakordioaren baldintzak "oso onuragarriak" dira Nafarroako herritarrentzat eta "ideiek, konpromiso programatikoek eta politika egiteko moduek beste gauza guztien gainetik egon behar dute".
Aurreakordioa nahikoa da koalizioarentzat; batetik, eragin politiko nabarmena lortzeko bideak eskaintzen dizkiolako, eta, bestetik, herritarrentzat oso beharrezkoa delako.
Koalizioaren esanetan, Nafarroako herritarrek mezu argia zabaldu zuten maiatzaren 28an, eta gobernua aurrerakoia lehenbailehen osatzeko deia egin du.
"Kudeatzeko gaitasun zuzena" duten arloetatik emakumeen, gazteen eta pertsona migratzaileen beharrei erantzun ahalko dietela nabarmendu du, eta etxebizitza alorrean erantzukizunak izango dituenez baita biz proiektu bat eraiki nahi dutenei ere.
Azken orduetan, EH Bildu baiezko botoa emateko prest agertu da "Chiviteren inbestidura desblokeatzeko" eta militanteei auziaren inguruan galdetuko diela iragarri du. Baiezkoa gailenduko balitz, PSNk nahikoa izango luke EH Bilduren eta Zurekin Nafarroaren babesarekin, Geroa Bairen beharrik gabe.
Gobernua osatzeko akordioa "lehenbailehen" erdiestea espero du Javier Remirezek
Foru Gobernu berria osatzeko talde politikoek emandako "pausoak" baloratu ditu gaur goizean Javier Remirez jarduneko bozeramaileak. Gobernu akordioa lehenbailehen erdiestea espero du, eta horretarako aurreko legegintzaldiko formula (PSN, Geroa Bai eta Podemos) baliatzea defendatu du.
Zurekin Nafarroarekin lorturiko aurreakordioak eta EH Bilduk egindako eskaintzak Maria Chiviteren inbestidura erraztu ote dezakeen galdetuta, ez du adierazpenik egin nahi izan. Nolanahi ere, azpimarratu du Nafarroako Gobernuak begi onez hartuko duela gobernu "aurrerakoi eta anitza" bideratzeko emandako pauso oro.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.