Gorte Nagusiak osatzeko saioa jarraitzeko gida
Gaur osatuko dira Gorte Nagusiak uztailaren 23ko hauteskundeetako emaitzak oinarri hartuta. Hala, Kongresuko Mahaia hautatuko dute, Diputatuen Kongresuko organo zuzentzailea.
Azken asteotan, alderdiak negoziazioetan murgildu dira, Espainiako erregearen eta Espainiako Gobernuko presidentearen atzetik Estatuko hirugarren agintari nagusia izango dena hautatzeko, baina guztiek ez dute argibiderik eman egun honetarako duten boto-asmoari buruz.
Kongresua eratzeko saioa 10:00etan hasiko da, bozketak zuzenduko dituen Adineko Mahaia izendatuta. Presidentea diputatu zaharrena izango da, Cristina Narbona ministro ohi sozialista, eta bi legebiltzarkide gazteenak izango ditu laguntzaile idazkari lanetan: Ada Santana kanariarra eta Ferran Verdejo kataluniarra (PSOEkoak biak).
350 diputatu hautatuen izenak irakurri ondoren, Kongresuko Presidentetza hautatuko da, isilpeko bozketaren bidez. Parlamentariek izen bat idatziko dute paper batean, eta gehiengo osoa lortzen duen diputatua hautatuko dute presidente, edo, bestela, bozketa errepikatuko da, eta bigarren horretan nahikoa izango da gehiago sinplea.
PSOEk Francina Armengol Balearretako presidente ohia proposatuko du Diputatuen Kongresuko presidente izateko. Hainbat taldek babestu dute PSOEren proposamena; Sumar koalizioak eta BNG alderdiak baietz bozkatuko dute, baita, ziur aski, EAJk, EH Bilduk eta ERCk ere, baina sozialistak oraindik Junts alderdiaren zain daude.
Junts eta Coalicion Canariaren zain
Kongresua osatu baino minutu batzuk lehenago ezagutuko da Juntsen erabakia, gehiengo hori lortzeko ezinbestekoa izango dena. 08:00etatik, JxCat bilduta dago telematikoki, taldeko zazpi diputatuen botoen norabidea erabakitzeko. Nacio kazeta digitalaren arabera, Juntsek abstenitzeko edo boto baliogabea emateko aukerak izango ditu mahai gainean, baina ez sozialistaren alde bozkatzea. Bere sare sozialetan argitaratutako mezu batean, Carles Puigdemont Generalitateko presidente ohi eta Junts alderdiko eurodiputatuak asteazkenean adierazi du Juntsen jarrera ez dela aldatu, presioak gorabehera.
EH Bilduk (6 ordezkari) ez du interes berezirik Kongresuko Mahaian parte hartzeko, eta aurreko legealdian ez zuen batzordeburu bat ere eskatu. Edonola ere, Mahaiak gehiengo aurrerakoia izatea eta PPk eta Voxek ez kontrolatzea nahi du. EAJrentzat ere (5 diputatu) hobe da batzorde bateko buru izatea Mahaian postu bat betetzea baino.
Bestalde, Nestor Rego Bloke Nazionalista Galiziarra (BNG) alderdiko diputatu hautetsiak Kongresuko presidente izateko hautagai sozialistaren alde bozkatuko duela berretsi du. Halaber, ERCk eta Juntsek talde parlamentario propioa izatea babestu du, horrela Talde Mistoa "arindu" egingo litzatekeelako.
ERCren aburuz, Mahaia PSOEk zuzendu behar du, Kataluniako agendan aurrera egiteko bidea dela uste baitu, baina talde parlamentario propioa izatea eskatu du trukean. Hala ere, azken orduetan azpimarratu du PSOErekin akordiorik ez dagoela, eta bere botoak ziurtzat ematea "ausarkeria" litzatekeela ohartarazi du.
Pilar Alegria PSOEko bozeramaileak asteartean esan zuen Kongresuko Mahaiak uztailaren 23ko hauteskundeen gehiengo "aurrerakoia" islatu behar duela, eta "zuhurtzia eta elkarrizketa" eskatu zituen. Bitartean, Enrique Santiago diputatu hautatua (Sumar) Kongresuko Mahaian indar nazionalistak egotearen alde agertu zen Radio Euskadin egindako adierazpenetan.
PPk Cuca Gamarra idazkari nagusia aurkeztuko du, PPren (133), Voxen (33) eta UPNren (1) babesa bermatuta (171 boto, guztira). Cristina Valido Coalicion Canariako diputatu bakarra ere erabakigarria izango da alderdi ezkertiar eta nazionalistek Juntseko parlamentariak (8) abstenitzea lortzen badute.
Ondoren, beste bozketa sekretu baten bitartez, lau presidenteordeak izendatuko dituzte. Diputatu bakoitzak izen bakarra idatz dezake, eta lau bozkatuenek eskuratuko dituzte postu horiek.
Ezkerrak dagoeneko iragarri ditu bere bi hautagaiak (Alfonso Rodriguez Gomez de Celis sozialista eta Esther Gil Sumarreko diputatua), eta PPk beste bi izen proposatu ditu (Marta Gonzalez eta Jose Antonio Bermudez de Castro). Voxek lau plazetako bat eskatu zien popularrei.
Gauzak horrela, Vox eta Sumar, esaterako, presidenteordetzarik gabe gera daiteke, eskuinak lehian dauden lau postuetatik hiru eskuratzen baditu.
Egoera hurrengo bozketan errepikatuko da, lau idazkaritzak aukeratzeko. Ezkerrak Isaura Leal sozialista eta Gerardo Pisarello En Comuko diputatua proposatu ditu, eta PPk, Guillermo Mariscal eta Carmen Navarro.
Senatua
Bestalde, Senatuaren XV. Legegintzaldia Goi Ganbera osatzen duten 265 senatarietatik 259k osatuko dute; izan ere, Murtzian, Aragoin, Asturiasen, Errioxan eta Nafarroan sei parlamentari izendatzeke daude oraindik, hilaren 28ko hauteskunde autonomikoen ondoren.
Hori dela eta, gehiengo osoa 130 senatariraino jaitsiko da legegintzaldi honetako lehen osoko bilkuran, baina PPren gehiengo osoa ez dago arriskuan, uztailaren 23ko hauteskundeetan 120 senatari hautetsi lortu baitzituen, eta horiei gainerako erkidegoek izendatutako 21 parlamentariak erantsiz gero, 141 eserleku izango ditu.
Lehen bozketan, popularrek euren gehiengo osoa baliatuko dute Senatuko Presidentetza bereganatzeko. Pedro Rollanek hartuko du ardura hori.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.