PSOEk Armengol proposatuko du Kongresuko presidente izateko, eta Patxi Lopez mantenduko du bozeramaile gisa
PSOEk Francina Armengol Balear Uharteetako Gobernuko presidente ohia proposatuko du Diputatuen Kongresuko presidente izateko. Hain zuzen ere, bihar egingo dute Behe Ganbera osatzeko eta Mahaiko kideak izendatzeko saioa.
Alderdi Sozialistatik azaldu dutenez, PSOEren Batzorde Federalak gaur egingo ditu proposamenak talde parlamentario sozialistaren bi organoek egingo duten bileran. Gainera, Pedro Sanchez Espainiako Gobernuko presidente eta PSOEko idazkari nagusia talde parlamentarioarekin bilduko da, biharko egunari begira estrategia adosteko.
Testuinguru honetan, PSOEk gainerako alderdiekin negoziatzen jarraitzen du, Kongresuko Mahaian gehiengo ezkertiarra bermatu ahal izateko. Juntsen erabakiaren zain daude, helburu horretarako.
Bestalde, PSOEk Guillermo Fernandez-Vara Extremadurako Gobernuko presidente ohia proposatuko du Senatuko presidenteorde kargurako, eta Patxi Lopez eta Eva Granados mantenduko ditu Kongresuko eta Senatuko bozeramaile gisa.
Esther Gil eta Pisarello Mahaiko lehendakariorde eta idazkari
Gorteak osatzeko egun eskar falta den honetan, Yolanda Diaz Sumarreko buruak iragarri du bihar Esther Gil proposatuko duela Kongresuko Mahaiko presidenteorde izateko eta Gerardo Pisarello idazkari izateko, eskubideetan aurrera egingo duen Gobernu "hobeago bat" lortzeko itxaropenarekin.
Esther Gil de Reboledo Cadizeko zerrendaburua izan zen aurreko hauteskundeetan, independente gisa. Soziologoa eta Cadigenia enpresako bazkidea da berau, zeinak aukera-berdintasunari eta lan-ongizateari buruzko prestakuntza eta aholkularitza ematen dituen.
Bestalde, Gerardo Pisarello "beteranoa" da Mahaiko idazkari gisa; iza ere, aurreko legealdian ere postu hori bete zuen.
Albiste gehiago politika
Ramon Alzorrizek PSNko antolakuntza idazkari eta bozeramaile bezala dimisioa eman du, "konfiantza galeragatik"
Buruzagi sozialistak premiazko agerraldia egin du erabakiaren berri emateko.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.
Ibarrolaren ustez Chivitek dimisioa eman beharko luke "Belateko lanak Cerdanen enpresari esleitu bazaizkio"
Cristina Ibarrola UPNren presidentearen iritziz, "agerikoa da Chivite presidentea gero eta inguratuago dagoela". "Nafarroan esleitutako obra publiko handiena Cerdanen % 45eko parte-hartzea duen enpresa bati" esleitzea "eskandalua" dela esan du.
Nafarroako Gobernua akusazio partikular gisa aurkeztuko da ‘Koldo auzian’
Foru Gobernuko iturriek azaldu dutenez, Maria Chivitek dagoeneko iragarri duen ikuskaritza hirukoitzaren baitan hartutako erabakia da, “gardentasuna” bermatzeko neurri gehigarri gisa.
Rufianek, Sanchezi: ''Zin egizu hau ez dela PSOEren 'Gurtel auzia'''
PSOEren 'Gurtel auzia' ez dela ziurtatzeaz gain, Gabriel Rufian ERCren bozeramaileak Sanchezi eskatu dio inplikatutako enpresen aurka egitea eta "ustelkeriatan dabilen oro bizi osorako inhabilitatzea". "Ezkerrak ezin du lapurtu", adierazi du.
Servinabar enpresaren % 45aren jabe Cerdan zela dioen dokumentu bat aurkitu du UCOk
Guardia Zibilaren UCO unitatearen arabera, Nafarroako eraikuntza enpresa hori dago obra publikoen legez kanpoko esleipenekin lotutako ustezko ustelkeria sarean.
Eusko Jaurlaritzak 144 milioiko abal-lerroa iragarri du, gazteek etxebizitza errazago eskura dezaten
Imanol Pradales lehendakariak aurreratu duenez, uztailaren 8an onartuko dute Gobernu Kontseiluan, eta 18 eta 39 urte bitarteko pertsonei zuzenduta egongo da.
Herritarren galderei erantzun eta lehen urteko balantzea egingo du lehendakariak, gaur, ETB2n
Ajuria Enetik zuzenean egingo da emanaldi berezia, 22:15etik aurrera, Africa Baetak aurkeztuta. Imanol Pradalesi elkarrizketa egingo diote eta, ondoren, herritarren galderak erantzungo ditu lehendakariak.