Hauek dira Nafarroako Gobernua osatuko duten 13 kontseilariak eta 3 presidenteordeak
Maria Chivite buru izango duen Nafarroako Gobernuak 13 departamentu eta 3 presidenteordetza izango ditu. PSNk, Geroa Baik eta Zurekin Nafarroak sinatutako gobernu akordioari esker, PSNk zortzi kontseilari eta presidenteorde bat izango ditu; Geroa Baik, 4 kontseilari eta presidenteorde bat, eta Zurekin Nafarroak, kontseilari bat eta presidenteorde bat.
Honelakoa izango da Nafarroako Gobernuaren egitura:
- Felix Taberna (PSN) Nafarroako Gobernuko presidenteorde eta Presidentetza eta Berdintasun kontseilaria izango da. Bere departamentuak barne hartuko ditu Presidentetza, Gobernu Irekia eta Parlamentuarekiko Harremanetarako, Politiken Plangintza, Koordinazio eta Ebaluazioko, Komunikazio-Proiekzio Instituzionaleko zuzendaritza nagusiak eta baita Nasertic enpresa publikoa ere.
Departamentu horren barruan badago ere, Zurekin Nafarroak hartuko du Berdintasun Institutuaren ardura.
- Amparo Lopez (PSN): Funtzio Publiko, Herrizaingo eta Justizia kontseilaria. Halaber, Funtzio Publiko, Herrizaingo eta Justizia zuzendaritza nagusiak hartuko ditu.
- Oscar Chivite (PSN): Lurralde Kohesiorako kontseilaria. Gainera, Lurralde Antolamendu, Toki Administrazio, Herri Lan eta Azpiegitura eta Garraio zuzendaritza nagusiak gidatuko ditu. Nafarroako Tokiko Azpiegiturak Sozietate Anonimoko (NILSA) eta Nafarbide sozietate publikoa ere bere zuzendaritzapean egongo dira.
- Carlos Gimeno (PSN): Hezkuntza kontseilaria. Errepikatu egingo du karguan, eta Hezkuntza, Hezkuntza Baliabide eta Lanbide Heziketako zuzendaritza nagusiak ere bere ardurapean geratuko dira. CNAI sozietatea ere bere eskumenekoa izango da.
- Mari Carmen Maeztu (PSN): Gizarte Eskubideen eta Enplegu kontseilaria. Gizarte Babeseko zuzendaritzak, Pertsonen Autonomia eta Garapenerako Nafarroako Agentzia, Nafarroako Enplegu Zerbitzua eta Gizarte Ekonomia eta Laneko zuzendaritza nagusiak sartzen dira horren baitan. GIZAIN eta Tutelar fundazioak ere horren barruan egongo dira.
- Jose Luis Arasti (PSN): Ekonomia eta Ogasun kontseilaria. Orain arte Espainiako Gobernuak Nafarroan duen ordezkari izan denak Ekonomia, Next Generation, Aurrekontuak, Ondarea, Kontu-hartzailetza eta Nafarroako Foru Ogasuneko zuzendaritza nagusiak ere gidatuko ditu. Halaber, Nafarroako Enpresa Korporazio Publikoaren (CPEN) eta Nafarroako Inbertsio Institutuaren (INI) ardura izango du.
- Juan Cruz Cigudosa (PSN) Unibertsitateko, Berrikuntzako eta Eraldaketa Digitaleko kontseilari karguan izango da berriro. Berrikuntza, Unibertsitate eta Informatika eta Telekomunikazioetako zuzendaritza nagusiak ere bere gain egongo dira, baita ADITECH fundazioa, Tracasa eta CAT sozietate publikoak, Nafarroako Adimen Artifizialaren Ikerketa Zentroa (NAIR) eta Nafarroako Berrikuntzaren Polo Digitala.
- Rebeca Esnaola (PSN): Kultura, Kirol eta Turismo kontseilaria. Halaber, Kultura eta Turismoko zuzendaritza nagusien eta Kirolaren Institutua eta NICDO sozietate publikoa zuzenduko ditu.
- Ana Ollo (Geroa Bai) Nafarroako Gobernuko presidenteordea eta Herritarrekiko Harremanetarako kontseilaria izango da. Kanpo Harremanetarako eta Euskarabideko zuzendaritza nagusiak ere kudeatuko ditu. Hala ere, Bake, Memoria eta Bizikidetzako Zuzendaritza Nagusia PSNk hartuko du bere gain.
- Fernando Dominguez (Geroa Bai): Osasun kontseilaria. Halaber, bere ardurapean geldituko dira Osasun Zuzendaritza Nagusia, Osasunbidea-Nafarroako Osasun Zerbitzua eta Nafarroako Osasun Publikoaren eta Lan Osasunaren Institutua.
- Mikel Irujo (Geroa Bai): Industria eta Enpresen Trantsizio Ekologiko eta Digitalerako kontseilaria. Enpresa Trantsizioko eta S4 Proiektu Estrategikoetako, Trantsizio Energetikoko, Merkataritzako eta Kontsumoko zuzendaritza nagusiak ere horren menpe geratuko dira.
- Jose Mari Aierdi (Geroa Bai): Landa Garapen eta Ingurumen kontseilaria. Gainera, Landa Garapen, Nekazaritza eta Abeltzaintza eta Ingurumen zuzendaritza nagusiak, INTIA Nafarroako sozietate publikoa, Nafarroako Kanala eta Nafarroako Ingurumen Kudeaketa (GAN-NIK) ere izango dira horren ardurapean.
- Begoña Alfaro (Zurekin Nafarroa): Hirugarren presidenteordea eta Etxebizitza kontseilaria. Etxebizitza, Gazteria eta Migrazio Politika departamentuaren aterkipean egongo dira Etxebizitza eta Migrazio Politiketako zuzendaritza nagusiak ere.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.