EH Bilduk eta EAJk gogorarazi dute Sanchezen inbestidura ez dagoela bermatuta
Gorte Nagusiak eratu diren ostegun honetan (ezkerreko blokeak eta independentismoak PSOEri eman diote Kongresuko presidentetza), EH Bildu eta EAJ ez dira erabat baikor agertu, Sanchezen inbestidura ez baitago oraindik ziurtatuta, gogorarazi dutenez.
Hala, Mertxe Aizpurua EH Bilduren Kongresuko bozeramaileak ohartarazi du Pedro Sanchezen inbestidura baterako "benetako negoziazioa orain" hasiko dela.
EH Bilduk ohartarazi du PSOEk ez duela bere babesa bermatuta gobernua osatzeko, eta Espainiako Gobernuari dagokiola behar dituen babesak lortzen "tematzea". Legegintzaldiaren hasierarekin batera, "etorkizuneko inbestidura baterako elkarrizketaren fase erabakigarria ere hasiko da".
Nolanahi ere, alderdi subiranistak uste du elkar ulertzea "abiapuntu ona" dela Kongresuko Mahaiarentzat, inbestidura "errazteko" hala egin behar baitzen.
Gainera, "euskararen, katalanaren eta galizieraren alde urratsak ematea" ahalbidetuko duten akordioak ospatu dituzte, Behe Ganberan erabili ahal izango baitira hemendik aurrera.
Marra gorririk gabe joango da EH Bildu inbestidurarako negoziaziora, "arduraz eta diskrezioz", gobernu aurrerakoi bat osatzeko asmoz, hori izan baita, taldearen aburuz, hautestontzien agindua.
Bestalde, Aitor Esteban EAJk Diputatuen Kongresuan duen bozeramaileak esan du "neurriz" dagoela baikor Espainiako Gobernuko presidentearen inbestidurak aurrera egiteko aukeraren inguruan, egoera "ez baita batere erraza".
Ohartarazi du Ganberako presidentea 178 diputaturen babesarekin aukeratu izanak ez duela esan nahi "inbestidura egintzat jo behar denik". Hala ere, "datozen asteetan gerta litezkeenei buruzko lasaitasun mezua" eman nahi izan die herritarrei.
EAJko bozeramaileak deitoratu egin du Kongresuko mahaiaren osaketari buruzko lehen negoziazioan alderdi nazionalisten iritzia kontuan hartu ez izana eta "hemizikloaren aniztasuna" ordezkatzen duen inor sartu ez izana.
Lehendakariaren mezua
Iñigo Urkullu lehendakariak nazio aniztasuna aitortzeko eskatu du, eta legegintzaldi honetan horren arabera jokatzeko. Sare sozialetan argitaratutako mezu batean, hasi berri den legegintzaldia "ziurgabea" dela esan du Urkulluk, eta gehitu du elkarrizketa gauzatu beharko litzatekeela "akordioak lortzeko helburuarekin eta hitza betetzeko konpromisoarekin".
"Aurrean ditugun erronkek jarrera positiboa, zintzoa eta eraginkorra eskatzen dute", adierazi du, eta Eusko Jaurlaritzak "etapa honi" aurre egiteko borondateari eusten diola esan du, "aurrera egiteko gizartearen eskaerei eta beharrei erantzuteko aukera emango luketen akordioen alde lan egiteko erabaki irmoarekin".
Albiste gehiago politika
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.