Aburtok Aste Nagusiko jaien balantze positiboa egin du
Juan Mari Aburto Bilboko alkateak Bilboko Aste Nagusiaren balantze positiboa egin du, jai-giroa "protagonista nagusia" izaten ari baita. Hala adierazi du gaur, ostirala, Radio Euskadiko Boulevard saioan egin dioten elkarrizketan.
Jende andana ibiltzen den lekuetan ohikoa den legez, erasoak, ebasketak eta lapurretak ere egon dira, noski, baina, delituren baten biktima izan diren pertsonentzat "hain positiboa ez bada ere", jai-giroa eta ondo pasatzeko gogoa nagusitzen direla esan du Aburtok.
Iazko datuekin alderatuta, ia % 50 egin du gora atxilotuen kopuruak; "inoiz baino atxilotu gehiago daude", zehaztu du Aburtok. Hala ere, alkateak azpimarratu du hori ez dela krimenen hazkundeagatik, baizik eta polizia kopuru handiagoa eta segurtasun-dispositibo gehiago daudelako.
Bilboko Konpartsek poliziaren gehiegikerien aurka egindako salaketa publikoari buruz galdetuta, Aburtok argi utzi du "gai delikatuegia" dela "polizia eta lapurretara jolasteko", eta ziurtatu du kaleetan poliziaren presentzia handitzearen arrazoia "herritarrek hala eskatzen dutelako" dela.
"Udalak izugarrizko ahalegina egin du inoizko plantillarik handiena izateko, hori baita herritarren kezka nagusietako bat", adierazi du Aburtok. Guztira, 900 udaltzain ari dira lanean Aste Nagusian herritarren segurtasuna bermatzeko.
Hori bai, txosnetan pixa egiten harrapatu zituzten zerbitzuz kanpo zeuden bi udaltzainen inguruan izandako gertakaria baieztatu du, eta zigortu egingo dituztela esan du, "diziplina-espediente bat izango dute".
Udal tasak eta zergak datorren urterako % 3ko igotzeko erabakiari dagokionez, Aburtok esan du udalak erabaki hori hartu behar izan duela zergak hiru urtez izoztuta egon ondoren, kalitatezko zerbitzu publikoei eusteak "ikaragarritako kostua" suposatzen duelako. "Ahalegin handia egin dugu aurrekontu berarekin zerbitzu berdinak, eta gehiago, ematen jarraitzeko, baina hiru urteren ondoren, igoera beharrezkoa da" azaldu du alkateak.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.