Maiorga Ramirezek oraindik EAren "inolako" jakinarazpenik ez duela jaso salatu du
Eusko Alkartasunako Zuzendaritza Nazionalak bost alderdikide kritikoren afiliazioa eteteko 4 urteko zigorra baliogabetu zuen Arabako Lurralde Auzitegiaren epaiaren kontra helegiterik ez aurkeztea erabaki zuen atzo. Mikel Goenaga, Miren Aranoa, Esther Korres, Iratxe Lopez de Aberasturi eta Maiorga Ramirez dira bost militante horiek. Horrela, alderdiak asteazkenean adierazi zuen bost pertsona horiei jakinarazi diela "afiliazioa, eskubideak eta betebeharrak berreskuratu dituztela".
Euskadi Irratiko 'Faktoria' saioan egindako elkarrizketan, ordea, Maiorga Ramirezek oraindik alderdiaren "inolako" jakinarazpenik ez duela jaso salatu du. "Nahita nahiez" eman beharreko pausoa dela gogorarazi dio sektore kritikoaren ordezkariak EAren zuzendaritzari, epaitegiek hala ebatzi dutelako.
EAko Zuzendaritza Nazionalaren hitzetan, justiziak atzera bota ditu 2022ko otsaileko biltzarraren aurka irekitako auzi guztiak, eta bertan onartu ziren estatutuak aski bermatu ditu. Ramirez, baina, ez da uste berekoa, eta epaiek "barne-hauteskundeak errepikatzera" behartzen dutela adierazi du. Gainera, alderdiak bost afiliatuen "oinarrizko eskubideak urratu" zituela azpimarratu du.
Ramirezek ez dio Eba Blancoren zuzendaritzari zilegitasunik ukatu, baina barne-hauteskunde berriak egitea eskatu du; izan ere, primarioak egin zirenean bigarren hautagaia, bera, "alderditik kanpo zegoelako". Horregatik, "lotsa demokratikoagatik" prozesua errepikatzea aldarrikatu du.
Horrela, bost alderdikideek EAtik kanpo urte eta erdi eman dutela kritikatu du Ramirezek. Sektore kritikoko ordezkariaren esanetan, denbora tarte horretan, alderdiaren erabakietan "ezin izan dugu parte hartu, kaleratuak izan ginelako".
Gatazka konpondu ahal izateko "irtenbide bakarra" barne-hauteskundeak direla errepikatu du, "afiliazioak erabakitzeko eskubidea duelako".
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.