Espainiako Gobernuak datorren astean onartuko du Loiolako kuartelen lurzorua Donostiari saltzeko akordioa
Loiolako kuartelen salerosketak badu data: azaroak 7. Astearteetan egin ohi du jarduneko Espainiako Gobernuak ministroen kontseilua, eta hain justu, datorren astekoan onartuko du lursailak Donostiako Udalaren esku uzteko akordioa, Eneko Goia Donostiako alkateak iragarri duenez.
Luzaroan esperotako data —akordioa duela urtebete itxi zuten— iragartzeko urteko politika orokorreko eztabaida baliatu du Goiak. Hitzaldian zehaztu duenez, 73,3 milioi euro ordainduko dituzte Loiola auzoko 20 hektareako lurzoru horren truke, eta, hori bereganatuta, bertan 1.500-1.700 etxebizitza eraikitzeko proiektuari heldu ahalko dio Udalak.
Goiak azaldu duenez, Margarita Robles Defentsa ministroak joan den astean jakinarazi zion berria Aitor Esteban EAJko diputatuari, eta azken horrek egin du Alkatetza operazioaren jakitun.
Ministroen Kontseiluak ituna onartu eta "berehala" bost milioi euroko transferentzia egingo dio Udalak, lehen ordainketa gisa. Sei hilabeteko epean, notario baten aurrean izenpetuko dituzte salerosketaren eskriturak.
Alkateak pozarren hartu du albistea, eta azpimarratu "Loiolako kuarteletako lursailak Urumeako ibarrean zehar hiria hedatzeari eranstea funtsezko elementua" dela.
Gogora ekarri behar da Defentsa Ministerioak lau urteko epea eman zuela eremua uzteko. Gero, ibaiaren bestaldean dagoen gunera, Hipikara, mugituko dira militarrak (lursail hori ere Armadarena da).
Zure interesekoa izan daiteke
Osakidetza hobetzeko proposamenei "oztoporik ez" jartzeko eskatu dio Pradalesek Osasun Ministerioari
Imanol Pradales lehendakariak Espainiako Gobernuko Osasun Ministerioari eskatu dio Eusko Jaurlaritza Osakidetzaren egoera hobetzeko egiten ari den proposamenak, "entzuteko" eta "gutxienez, oztoporik ez jartzeko". "Osasun Ministerioari exijitu nahi diot entzun dezala eta egiten utzi dezala", esan du.
Podemos prest dago Sumarrekin, IUrekin eta EH Bilduren aliantzak egiteko, Kongresuan hala erabakitzen badute
Gainera, Richar Vaquero Podemos Euskadiren koordinatzaile nagusiak adierazi duenez, "aurrera egingo dute" Gasteizko aurrekontuarekin, EAJrekin eta PSE-EErekin negoziatzen ari diren bitartean proposamen "interesgarriak" egiten bazaizkie.
Donostiako Udaltzaingoa taser pistolak erabiltzen hasiko da 2026an
Udaltzaingoak bost taser pistola izango ditu guztira, bat txanda bakoitzeko, eta bost agente gailu horiek erabiltzeko prestakuntza jasotzen ari dira.
Pradalesek Osasun Ministerioari eskatu dio ez dezala "harririk jarri euskal osasun sistemaren hobekuntza oztopatzeko"
2025-2032 planak ospitaleetako "osasun zentro txikienetik puntako teknologiara" doazen inbertsioak aurreikusten dituela defendatu du.
Fiskaltzak ez du Errejonentzat zigorrik eskatuko Mouliaak salatutako sexu-erasoengatik, eta auzia artxibatzearen alde egin du
Adolfo Carretero epaileak Sumarren bozeramaile ohia Mouliaa aktorearen aurkako sexu-eraso delituagatik auzipetu ostean, Fiskaltzaren esanetan ez dago zantzu nahikorik haren kontrako karguak aurkezteko.
Lander Martinez: "Gobernu honek merezi du"
Asteazken honetan Euskadi Irratian egin dioten elkarrizketan, Espainiako Gobernuak bultzada bat behar duela esan du. Ekin diezaion eskatu dio, Gobernua birmoldatuta eta herritarrei haren lanaren balioa helarazteko estrategia argia zabalduta.
Santos Cerdanek dio "Inkisizioaren pareko" jazarpena jasaten ari dela
Buruzagi ohi sozialistak adierazi du Belateko tunela bikoizteko obraren esleipena, Nafarroan, "garbia eta gardena" izan zela, eta berak ez zuela inolako loturarik izan kontratazio publiko horrekin.
Eusko Jaurlaritzak 1.600 milioi inbertituko ditu 2032ra bitartean Osakidetzako azpiegituretan eta ekipamenduan
Azpiegitura eta Ekipamendu Sanitarioen Programa (2025-2032) “asmo handiko” proiektu gisa aurkeztu du Jaurlaritzak eta helburu du “kalitatea, segurtasuna eta hurbiltasuna” bermatzea osasun-arretan, “bai pazienteak bai osasun-arloko profesionalak ahalik eta ondoen” egon daitezen. Osasun-zentro eta ospitaleak eraiki, handitu edo eraberrituko dira eta ekipamendu eta teknologian inbertsio mardulak egingo dira.
Albiste izango dira: Santos Cerdan Senatuko ikerketa batzordean, BBK fundazioko presidente berria eta Guggenheim Urdaibai proiektuaren amaiera
Gaurkoan Orain-en albiste izango direnen laburpena, bi hitzetan.
Cerdan Senatuan izango da gaur, baina ez dago argi deklaratuko duen ala ez
Santos Cerdan, PSOEko Antolakuntza idazkari ohia eta judizialki ikertua, Senatuko ikerketa batzordera joango da gaur: galderei erantzuteko edo ez erantzuteko eskubidea du.