PSOErekin inbestidura ixteko akordiorik gabe amaitu du Juntsek bilera
Juntseko zuzendaritza iraunkorrak ostegun honetan Bruselan egin duen bilera PSOErekin itunik egin gabe amaitu da, baina negoziatzen jarraituko dutela aurreratu dute. "Gutxienez, bihar arte itxaron beharko da", adierazi dute alderditik.
Oraindik akordiorik lortu ez duten arren, negoziatzen jarraituko dutela ziurtatu dute Juntseko iturriek. Talde katalanaren asmoa da itun "globala" bilatzea, gatazkaren konponbidea, amnistia eta autodeterminaziorako oinarriak bilduko dituena.
Junts alderdiaren zuzendaritza iraunkorra Belgikako hiriburuko Thon hotelean bildu da, Carles Puigdemont Generalitateko presidente ohi eta alderdiko eurodiputatua buru zela. Berak ohartarazi du ez duela jarrera zuhurra aldatuko negoziazioetan. Gogoratu duenez, neurri guztiak gutxi dira Espainiako sistema politikoarekin hitz egiteko: "Horri eusten diogu eta hori berresten dugu. Orain arte izan ditugun zuhurtzia eta jarrera ez ditugu aldatuko, batzuek presa handiagoa izan arren", azpimarratu du.
Bileran izan dira, halaber, Anna Erra, Josep Rius eta Aurora Madaula presidenteordeak, David Torrents antolakuntza idazkaria, Teresa Pallares finantza idazkaria eta David Saldoni idazkari nagusiaren ondokoa. Halaber, Toni Comin kontseilari ohia, Miren Nogueras Kongresuko Junts alderdiko burua eta Josep Lluis Cleries Senatuko Junts alderdiko bozeramailea ere izan dira.
Akordioa egitea espero du PSOEk
Felix Bolañosek, Presidentetzako, Gorteekiko Harremanetarako eta Memoria Demokratikoko jarduneko ministro eta PSOEren negoziazio-batzordeko kideak, aitortu du oraindik ez dutela akordioa itxi, amnistia legeari dagokionez.
Ministroak ez du zehaztu zer ari den geldiarazten Puigdemontek zuzentzen duen alderdiarekin lortu nahi duen akordioa; "abian dagoen negoziazioa" dela esan du eta, beraz, diskrezioa izango dela nagusi akordioa itxi arte.
Ildo horretan, Bolañosek argi utzi du Junts alderdiarekin akordioa "oso goiz" lortzea espero duela eta, hori gertatutakoan, xehetasun guztiak jakinaraziko dituztela eta adostutakoa publiko egingo dutela, ERCren kasuan bezala.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.