ERCk eta PSOEk akordioa itxi dute, Rodalies eskualdatu eta Estatuarekiko zorraren 15.000 milioi barkatuta
ERCren zuzendaritzak ontzat eman du alderdi errepublikanoak, joan den astean, Pedro Sanchezen inbestidurarako PSOEkin itxitako akordioa. Nolanahi ere, oraindik militantziaren oniritzia falta da (kontsulta telematikoa egingo dute).
Eguerdian bildu da ERCren exekutibo nazionala, eta argi berdea eman dio akordioari. Oriol Junquerasek erabakiaren nondik norakoak azaldu ditu, ERCren Bartzelonako egoitzan.
Amnistiaren legeaz gain, PSOEk eta ERCk hitzartu dute negoziazio mahaian jarraitzea, Rodalies (aldirietako trenak) guztiz eskualdatzea eta Likidezia Funts Autonomikoarekiko zorraren zati bat barkatzea (15.000 milioi euro).
Junquerasek agerraldian azaldu duenez, Kataluniako Gobernuak 1.300 milioi euro gehiago aurreztuko ditu; zor horren interesak, hain zuzen. Nabarmendu du "finantzaketan urte askotan egin den urratsik garrantzitsuena" dela. "Ez dago neurri alderagarririk", esan du. Junquerasek uste du itun horrekin irabazten duena Katalunia dela, eta horregatik "erantzukizun handia" izan dezan eskatu dio Juntsi —Puigdemonten alderdiak PSOErekin akordiorik itxi gabe amaitu du bere bilera—: "Pentsatu nahi dut esparru politiko guztiek lagunduko dutela hau ondo joan dadin", esan du.
Bestalde, Felix Bolaños Espainiako Gobernuko Presidentetzaren jarduneko ministroak eta Salvador Illa PSCren lehen idazkariak ere agerraldia egin dute, sozialisten Bartzelonako egoitzan, ERCko zuzendaritzak Sanchezen inbestidurarako ituna babestu ostean.
Illak akordioa ospatu du, eta esan du aro berri bat ireki dela, "haustura politikotik" urrun. "Kataluniako gizarteak aurrera egin du, eta gaur alderdi politikoak atzean uzten hasi gara erresumina, elkarrizketarik eza eta desadostasunen urteak", gehitu du.
Ildo beretik, Bolaños oso pozik agertu da, eta "inbestidurarako eta legealdi egonkor baterako beste urrats bat" dela ziurtatu du. Hala ere, amnistia legeari dagokionez, Juntsekin akordioa oraindik itxi gabe dagoela onartu du.
Ministroak ez du zehaztu nahi izan zer ari den geldiarazten Carles Puigdemontek zuzentzen duen alderdiarekin akordioa lortzea, "abian dagoen negoziazioa delako" eta, beraz, diskrezioa egon behar delako.
Zentzu horretan, Bolañosek argi utzi du Juntsekin akordioa lortu bezain laster, —"oso laster" izatea espero du—, xehetasun guztiak jakinaraziko dituztela eta adostutakoa publiko egingo dutela, ERCrekin hitzartutakoaren kasuan bezala.
"Negoziazioak beti dira diskretuak, eta akordioak eta gardentasuna daudenean, azaldu eta argitaratu egiten dira", esan du, eta PSOEren borondatea berretsi du: "Adostutako guztia ezagutu dezatela herritarrek".
Zure interesekoa izan daiteke
Eskuinaren garaia amaitzen ari dela eta Bartzelonan aro berria hasi dela aldarrikatu du Sanchezek
Espainiako presidenteak eta Lula da Silva Brasilgo presidenteak New Yorkeko alkatearen eta Tim Walz gobernadorearen babesarekin itxi dute 'Global Progressive Mobilisation' topaketa.
Trebiñu Arabaren parte izan dadila aldarrikatu dute Argantzunen, Trebiñu Egunaren ospakizunean
EAJren presidente Aitor Estebanek ziurtatu du bere esku dagoen guztia egiten jarraituko duela Trebiñuko herritarrei "ahotsa emateko", eta Araban sartzeko duten "nahia" bete dadin.
Korrikak dirulaguntzak jasotzeko baldintzak betetzen ote dituen aztertuko du Gasteizko Udalak
Euskararen aldeko lasterketan ETAko presoen argazkiak erakutsi zirela eta, finantzazio publikoa etetea eskatu du gaur, mozio bidez, Alderdi Popularrak. Mozioa atzera bota du Udalbatzak, baina Maria Nanclares zinegotzi sozialistak iragarri du kasua aztertuko dutela, udal ordenantzaren araberakoa ote den jakiteko.
Sanchezek eta Lulak, "gerrari ezetz" esanez, olatu erreakzionarioari aurre egitea eskatu dute
Pedro Sanchez Espainiako presidenteak eta Luiz Inacio Lula da Silva Brasilgo presidenteak argi utzi dute bat datozela egungo une geopolitikoaren aurrean, "gerrari ezetz" esanez. Sanchezek adierazi du bi herrialdeen arteko harremana aldebikoa baino askoz haratago doala, eta azpimarratu du munduaren ikuspegi bera dutela.
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.
Etxebizitza finkatu da euskal gizartearen arazo nagusi gisa: burbuilaren garaiko mailara iritsi da kezka
Eusko Jaurlaritzaren azken Soziometroak agerian utzi du gora egin duela prekaritatearekiko eta arazo ekonomikoekiko kezka. Delinkuentziaren inguruko kezka, berriz, apaldu egin da.
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".
Aenak ziurtatu du aireportuen kudeaketa partekatua bateraezina dela indarrean dagoen lege-esparruarekin
Aenako presidente eta kontseilari delegatu Maurici Lucenak Akziodunen Batzarrean defendatu duenez, interes orokorreko Espainiako aireportuak 18/2014 Legean jasotako araubide juridiko espezifiko baten mende daude. Lege hori Konstituzioak babesten du; Estatuak azpiegitura horien gainean duen eskumen esklusiboa deklaratzen du, eta jabetza pribatua eta enpresa-askatasuna babesten ditu. Hala ere, positibotzat jo du autonomia-erkidegoekiko lankidetza eta koordinazioa, betiere Konstituzioaren mugak errespetatzen badira eta Aenaren kudeaketa-autonomia eta sare-egitura aldatzen ez badira.