PSOEk zehaztu du EAJrekin Gizarte Segurantzaren eskumena eskualdatzea ez dela espresuki jaso akordioan
Andoni Ortuzar EAJren EBBko presidenteak Gizarte Segurantzaren erregimen ekonomikoaren kudeaketa EAEra eskualdatuko dela iragarri eta ordu gutxi batzuetara, PSOEk gezurtatu egin du baieztapen hori, eta esan du gai hori ez dela Pedro Sanchezen inbestidurarako bi alderdiek sinatu duten akordioan jasotzen.
Hedabideen aurrean egindako agerraldian, Maria Jesus Montero PSOEko idazkariorde nagusi eta Espainiako Gobernuko jarduneko Ogasun ministroak ukatu egin du alderdi jeltzalearekin sinatutako akordioak Gizarte Segurantzaren transferentzia jasotzen duela. "Goizean EAJrekin sinatu den akordioan ez da Gizarte Segurantzarekin lotutako eduki bereizirik jaso", esan du.
"Are gehiago, gai hori EAJrekin egindako akordio klasikoetan agertzen den hitz berberekin jaso da; [Espainiako] Gobernuak Gernikako Estatutua garatzeko konpromisoa hartu behar du, noski, administrazio guztiak behartzen dituen legea baita, eta horren barruan, badira oraindik eskuz aldatu ez diren eskumenak", gaineratu du.
Monteroren arabera, EAJrekin egindako akordioak berariaz aipatzen ditu transferitu gabe dauden "eskumen jakin batzuk", epe laburragoan eman daitezkeenak, baina adierazi duenez, "horien artean ez dago Gizarte Segurantzarena", eta, beraz, horri buruz "ez dago ezer berririk", erantsi du.
Bestalde, jarduneko ministroak ukatu egin du Juntsekin sinatutako itunak zerga guztiak Kataluniari lagatzea aurreikusten duela. "Halakorik ez da inoiz planteatu", gaineratu du.
Monterok nabarmendu duenez, ostiral honetan EAJrekin eta Coalicion Canariarekin sinatutako akordioen ostean, lehendik EH Bildu, ERC, Junts eta BNG alderdien babesei gehitu zaizkienak, "Pedro Sanchez presidentearen legegintzaldia bermatuta dago, 179 diputatuk Espainiak gobernu aurrerakoia izatea aukeratuko dutelako".
Albiste gehiago politika
Etxanobe: "Guggenheim Urdaibairen bideragarritasuna epe motz-ertainean baldintzatzen duten elementuak daude"
Bizkaiko Ahaldun Nagusiak lurraldeko Batzar Nagusietan erantzun die oposizioko kideei, esanez bere gobernuak gardentasunez jokatu duela proiektu honi dagokionean. Bideragarritasuna landu den arren, epea baldintzatzen duten elementuak ere badaudela jakinarazi du, besteak beste, prozesu judizialak, deskontaminazio-lanak eta hirigintza-izapideak.
EAJk formatu berriz ospatuko du Alderdi Eguna igandean, 'Batzen gaituzten hariak' lelopean
Aurten, eszenatokia zelaiaren erdian egongo da, biribila izango da, eta lau pantaila erraldoi jarriko dituzte, afiliatuek bertan gertatutako guztiaren berri izan dezaten. EBBk adierazi duenez, formatu berritzaile horrekin, EAJ, alderdi gisa erdian dagoela, herriaren eraikuntzan funtsezkoa dela eta gizartearekin batera eboluzionatzen duen alderdi dinamikoa dela irudikatu nahi dute.
Etxanobek adingabeen harrera ereduari buruz "sakon hausnartzea" eskatu du
"Inplikazio sozial eta instituzional handiagoa eskatzen dugu, bereziki gertakari larrien aurka egin behar denean, hala nola adingabeen nazioarteko fluxua eta gure lurralderako sarbidea kontrolatzen duten mafiak egiten dituztenean, eta identifikazio agiri ofizialak faltsutzen dituztenean", ohartarazi du.
Gazara bidean den Global Sumud flotillari laguntzeko ontzi bat bidaliko duela iragarri du Pedro Sanchezek
"Kideek zailtasunen bat izanez gero erreskatatu ahal izateko bidaliko dugu, horrelakorik ez gertatzea espero dugun arren", gaineratu du Sanchezek, eta flotilla horretan dauden espainiarrak "munduko milioika lagunen elkartasunaren adierazgarri" direla adierazi du.
Albiste izango da: 40 urte Monbar Hoteleko atentatua izan zela, Pentsiodunen herri-ekimena eta Zinemaldia
Orainek gaur landuko dituen albiste nagusien laburpena.
Pedro Sanchezek adierazi du emaztea eta anaia errugabeak direla eta egia gailenduko dela
Pedro Sanchez Espainiako Gobernuko presidenteak adierazi du ziur dagoela Begoña Gomez emaztea eta David Sanchez anaia errugabeak direla, eta "denborak gauzak bere lekuan jarriko" dituela, eta egia gailenduko dela. Sanchezek emaztearen eta anaiaren egoera judizialari buruz hitz egin du New Yorken emandako prentsaurrekoan, NBEren goi-bilera dela eta.
40 urte igaro dira Baionako Monbar hoteleko atentatutik, GALek egindako odoltsuena
Lau pertsona hil zituzten, tirokatuta, eta bostgarren bat zauritu zuten. Urte batzuk geroago hilketaren autore materialak epaitu zituzten: Marseillako bi mertzenario. Epaiketan zehar, Espainiako Estatuko zerbitzu sekretuek kontratatu zituztela aitortu zuten, baina ikerketa itxi zuten, froga faltagatik.
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.