Martinez: "Podemosek une honetan ez du kooperazio perspektibarik, aldebakatasunean ari da erabakiak hartzen"
Sumar taldearen Bizkaiko diputatu Lander Martinezek elkarrizketa eman dio gaur, astelehenarekin, Euskadi Irratiko "Faktoria" saioari. Bertan aitortu du une "nahasia" bizitzen ari direla Podemos eta Sumar, baina tartea dutela lan egiteko, eta ahalegin guztiak jarriko dituztela horretan.
Harremanak hobetze bidean, Espainiako Gobernuan Podemosi ministerio bat eskaini diotela ere onartu du. "Aukera ona ez zela erantzun ziguten, eta ezezko horrekin ministro bat izateko aukera galdu dute", esan du.
Martinezek argi utzi du Sumar barruan dauden indar guztiekin lan egin beharko dutela, denak pozik egon daitezen eta talde barruan oreka egon dadin. "Beharrezkoa da kooperazio guztia berreskuratzea, nahiz eta Podemos bere aldetik lanean dabilen. Une honetan ez dute lankidetzaren perspektibarik. Egia da testuinguru konplexu bat bizitzen ari garela, aldebakartasunetik hartu dituztelako erabakiak, baina badugu lan egiteko denbora, eta horretan esfortzu handia egingo dugu", erantsi du.
Sanchezen Gobernu berriari buruz ez du iritzirik eman. Halere, azpimarratu du zeukaten indarra errepikatzea dutela helburu. "Ekintza sozial eta publikoekin lotuta dauden ministerio batzuk nahi genituen, eskubide sozialen inguruan lan egiteko", adierazi du.
Nazio aitortzaren negoziaketa ere hartu du berbagai. "Sumarren, beti egingo dugu aurrera estatuen federazioaren alde egiten duen edozein neurrirekin. Horregatik, eztabaida mahai batean ateratzen den erabaki oro babesteko prest gaude, guretzat garrantzitsuena akordioa lortzea delako", azaldu du. Dena den, iritzi dio Euskadin eztabaida beste puntu batean dagoela.
Bukatzeko, datoren urteko hauteskundeen inguruan ezer gutxi aurreratu du. Sumarreko diputatuak ez omen du oraindik lehendakarigai izateko aukera aztertu, eta ausartegia iruditu zaio eztabaida kolektiboak izan arte Gorrotxategiren hautagaitza ziurtzat ematea ere.
Zure interesekoa izan daiteke
Lander Martinez (Sumar): “Hauteskunde orokor erabakigarriak egongo dira, eta gure helburua da gobernu aurrerakoiari eustea”
Asteburuan Madrilen egin den Sumar alderdiaren ezohiko batzarraren ostean, Lander Martinez diputatuak adierazi du “arrakastatsua” izan dela prozesua; bertan, Veronica Martinez Barbero eta Rosa Martinez zuzendaritzako koordinatzaile berri izendatu dituzte. Era berean, azpimarratu du alderdiaren lehentasuna datorren urteko hauteskunde orokor erabakigarrietan “gobernu aurrerakoi bati eustea” izan behar dela.
Ubarretxenak esan du "autogobernu handiagoak ongizate handiagoa" dakarrela
Agirre lehendakariaren agintaldiaren 90. urteurrenaren harira, EHUren udako ikastaroetan parte hartu du, eta kritikatu du "askotan autogobernua eta ongizatea kontzeptuak bereizten saiatzen" direla, eta lehenengoa "gai identitarioekin" lotzen dela, gauza praktikoen kontra joango balitz bezala.
Arazo diplomatikoa eragin du Rajoyk, Frantziak “frantsesik gabe” jokatzen duela adierazita
Laurent Nuñez Barne ministroaren hitzetan, adierazpenak "onartezinak" eta "aberranteak" dira, "Frantzia herrialde askotarikoa" delako.
Zigor Kodea erreformatzeak ez luke Ertzaintzaren aurkako erasoak gutxitzen lagunduko, Mertxe Aizpuruaren arabera
EH Bilduren Diputatuen Kongresuko bozeramaileak adierazi duenez, uda hasi zenetik hainbat festa izan dira, eta ez da izan Bingen Zupiria Segurtasun sailburuak iragarritako GKS eta Ernairen arteko istilurik. Halaber, erasoak "hauspotu" eta Ertzaintza "instrumentalizatu" nahi izana salatu du.
De Andres (PP): “Euskal gizartearen parte batek bullying-a jasaten du: ertzainek, alkateek eta Espainiako selekzioaren elastikoa daramatenek”
Javier de Andres EAEko PPko presidentea elkarrizketatu dute Radio Euskadiko Boulevard saioan, eta salatu du euskal gizartearen zati batek “bullyinga” jasaten duela. Haren esanetan, horien artean daude “ertzainak, CCOOko kideak, alderdi guztietako alkateak —batekoak izan ezik—, eta Espainiako selekzioaren elastikoa daramatenak”. Ildo horretan, De Andresek babestu egin du ErNE sindikatuaren proposamena Zigor Kodea gogortzeko, ertzainei eta udaltzainei egiten zaizkien erasoengatik ezartzen diren zigorrak areagotzea.
ErNEk Zigor Kodea erreformatzea proposatu du, ertzainen eta udaltzainen aurkako erasoengatiko zigorrak gogortzeko
ErNEk azaldu du asteak daramatzala Eusko Legebiltzarrean ordezkaritza duten taldeekin biltzen, legegintza-proposamen bat aurkezteko.
Historiako "gertakari ilunenak ez ahaztea" eta biktimak gogoratzea eskatu du Ansolak
Ikurrinaren Eguna ospatu du gaur EAJk Bilbon. Duela 132 urte lehen batzokia zabaldu zenean altxatu zen lehen aldiz, eta orduan bezala, Bilboko Zazpikaleetan ikurrina mastara igo dute. Iñigo Ansola Bizkai Buru Batzarreko presidenteak ikurrinaren benetako balioekin jeltzaleek duten konpromisoa berretsi du, eta azpimarratu du euren lekua ez dagoela muturretan.
PPk Miguel Angel Blanco oroitu du
Alderdi Popularrak omenaldia egin dio Miguel Angel Blanco zinegotziari Ermuan, ETAk hil zuela 29 urte betetzen direnean. Bertan izan dira Mari Mar Blanco arreba, Javier de Andres Euskadiko popularren presidentea eta Cuca Gamarra alderdiko idazkariordea. Gamarrak salatu du Pedro Sanchezek EH Bilduren botoei esker eusten diola botereari. Eta iragarri du PP gobernura iristen denean Espetxeetako legea aldatuko duela ETAko presoak etxera ez ekartzeko.
Veronica Martinez Barbero eta Rosa Martinez aukeratu dituzte Sumarren buruzagi berriak, % 95,92ko babesarekin
Martinez Barbero Kongresuko bozeramailea da eta Martinez, Eskubide Sozialen Estatu idazkaria. Hala, erreleboa hartu diote Lara Hernandezi, hark alderdia utzi ostean.
Donosti Cupen epaile lanetan ari zen ertzain batek eskoltatuta utzi du zelaia, jokalarien eta ikusleen jazarpenagatik
Epaileak partida bat behar baino lehen amaitu nahi zuen, jokalarien jokabidea bortitzegie zela iritzita, eta horrek jokalarien eta ikusleen haserrea piztu zuen. Donosti Cupeko antolatzaileek esan dutenez, "horrelako jokabideek ez dute lekurik gure txapelketan".