Gorrotxategik dio "gaizki" jaioko dela Hezkuntza Legea eta beharko lukeela Legebiltzarraren % 91ren babesa
Itxura guztien arabera, EAEko Hezkuntza Legea EAJren eta PSE-EEren botoekin onartuko da. Miren Gorrotxategi Elkarrekin Podemos-IUko Eusko Legebiltzarreko bozeramailearen hitzetan, "gaizki" jaioko da legea, uste baitu beharko lukeela Gasteizko ganberaren % 91ren babesa, edo beste era batera esanda, hezkuntza ituna sinatu zutenen onespena. Hezkuntza akordiotik legea idazterako bidean, ordea, Elkarrekin Podemos-IU eta EH Bildu bereizi egin dira.
Bestalde, 2024ko EAEko hauteskundeei begira, Imanol Pradales EAJren zuzendaritzak proposatutako hautagaia "kontinuista" dela iritzi dio Iñigo Urkulluren asmo politiko bera defendatzen duelakoan. Halaber, Arnaldo Otegi EH Bilduren lehendakarigai ez izateak ez du uste koalizio moreari botoak kenduko dizkionik. Are gehiago, hauteskunde oro egoten diren boto mugimenduak beraien mesederako izatea espero du.
Voxek aurkeztuko duen lehendakarigaia ezagutu zain, Miren Gorrotxategi da hautagai gisa errepikatu dezakeen bakarra. Euskadi Irratiko "Faktoria" saioan egin dioten elkarrizketan azaldu duenez, berak bere hautagaitza aurkeztu du proiektua politikoak ilusioa eragiten diolako, eta koalizio berri eta handiago horren bozeramaile izan nahiko luke. Orain arte Podemos eta Ezker Anitza alderdiek osatutako koalizio horretara Equo gehituko dela aurreratu du, eta Sumar alderdia ere gehitzea gustatuko litzaioke. Sumarrekin negoziazioak nola dauden galdetuta, EAEn giroa hobea dela eta elkarrekin aurkezteko aukera gehiago daudela azpimarratu du.
Eneko Andueza lehendakarigai sozialistari ere zuzendu zaio, atzo, besteak beste, esan baitzuen ez dutela EH Bilduren hautagaia lehendakari egingo. Horren aurrean, alternatiba EAJren ereduari jarraipena ematea ote den galdetu du Gorrotxategik. Izan ere, Anduezak atzo adierazi zuen EAJren eredua "agortua" dagoela eta "porrot" egin duela.
Halaber, EH Bildu Hezkuntza Legetik kanpo gelditzea albiste ona dela esatea Anduezaren aldetik "axolagabekeria" dela uste du Gorrotxategik.
Albiste gehiago politika
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.