Ortuzar: "Ez dugu erabaki Urkullu bazter uztea, ondorengotza kontu bat da"
EBBko presidente Andoni Ortuzar elkarrizketatu dute gaur, asteazkenarekin, Radio Euskadiko "Boulevard" saioan. Bertan esan du ez dutela Urkullu bazter utzi, hots, Pradalesen aukeraketa "ondorengotza kontu bat" izan dela. "Agenda politiko eta soziekonomikoa beteta dator", hau da, "gutxienez, hiru legealdi iraungo duten prozesuak daude abian". Horregatik, Ortuzarren esanetan, EAJk beharrezkotzat jo du belaunaldi berriei lekua egitea, eta 12 urtez agintean egon daitekeen norbait hautatzea.
Imanol Pradalesen fidagarritasuna goratuta, haren hautagaitzaren filtrazioaz adierazi du albistea ez zuela EAJko inork ezkutuan eman. "Gure asmoa zen astelehenean hastea prozesua, baina ez genuen lehendakarigaia iragartzeko intentziorik, gauzak genituelako egiteko", ziurtatu du.
Pradales alderdia indarberrituko duen pertsona izango ote den galdetuta, EBBko buruak erantzun du haren aldeko apustua egin zutela erretratu robot bat irudikatu ostean. "Agintean bi-hiru legegintzaldi iraun zezakeen norbait behar genuen, aurretik ditugun erronkan kontuan hartuta. Norbait gazteagoa nahi genuen, baina, aldi berean, esperientziaduna. Halaber, nazioarte mailan erraz molda daitekeen alderdikide eleaniztun baten bila aritu ginen, eta, azkenik, politika instituzionala eta alderdia bera ongi ezagutzen zuen hautagai bat gura genuen", azaldu du.
EH Bilduko koordinatzaile nagusi Arnaldo Otegik astelehenean egindako iragarpena ahotan, azpimarratu du EAJren erabakiaren lehen ondorioetako bat izan dela "Otegi kartelburu ez izatea". Ortuzarren iritziz, koalizio abertzalearen egutegia beste modu batean zegoen egituratuta, baina Pradalesena jakin ondoren, "erabaki hori hartu dute".
PSE-EEko idazkari nagusi Eneko Anduezarentzat ere gorde ditu berba batzuk. "EAJren eredua ahulduta dagoela dio, baina ahal duen guztietan gugana gerturatzen da. Badirudi gainbeheran dagoen alderdi batekin batu direla. Ziur nago Enekok gustura hartuko lukeela bere alderdiarentzat EAJren egungo agertokia", bukatu du.
Zure interesekoa izan daiteke
Epaileak ukatu egin dio Begoña Gomezi NATOren goi-bilerara joatea, baina Londresera bidaiatzeko baimena eman dio
Gomezen defentsak uztailaren 7tik 10era Espainiatik irtetea eskatu zuen, NATOk Turkian egitekoa duen goi-bilerara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".