Laguntza publikoak jasotzen dituzten enpresek enpleguei eusteari uko egitea "onartezina" dela uste du Diazek
Yolanda Diaz bigarren presidenteorde eta Lan eta Gizarte Ekonomiako ministroak ostiral honetan adierazi duenez, "ez da onargarria" baliabide publiko garrantzitsuak eta etekin handiak jasotzen dituzten enpresa handiek lanpostuak mantentzeari uko egitea edo "ezkutuko deslokalizazio-prozesuen" alde egitea.
Sumarren buru ere badenaren iritziz, "Euskadik aldaketa eskatzen du" eta euskal herritarrek Espainian "koalizioko gobernu aurrerakoia" hedatzen ari den politika publikoak nahi dituzte.
Diaz Urdulizko (Bizkaia) Mecaner fabrikako eta Osakidetzako langileekin bildu da gaur Bilbon. Lantegiaren kasuan, ministroak horren itxiera deitoratu du, ondorioz, 148 behargin kalean geldituko baitira. Horren harira, hedabideei egindako adierazpenetan ziurtatu du euskal herritarrek Eusko Jaurlaritza "aurrerakoi" bat nahi dutela, euren bizi-kalitatea hobetuko duena, langileek eskubide gehiago izateko lan egingo duena eta "kalitatezko garapen industriala" garatuko duena.
Aldaketa eskaera horren aurrean, "Sumar aktore erabakigarria da, Espainiako Gobernuan izan garen bezala", esan du, "gaur Sumar gabe Sanchez ez bailitzateke Gobernuko presidente izango".
Podemosekin koalizioa Euskadin?
"Ez dut inoiz huts egingo euskal herritarrek zer egin behar duten beste leku batetik esateagatik". Hori dela eta, Podemosekin, Ezker Anitza-IUrekin eta Equo Berdeekin koalizioa osatzeko negoziaketen harira, gaineratu du "Euskadiko Sumarren kideei dagokiela prozesua diseinatzea".
Iruñeko Udaleko zentsura-mozioari dagokionez, ministroak esan du Sumar osatzen duten pertsonak "demokratak" direla eta "toki guztietan" gobernu aurrerakoiak egon daitezen lan egiten dutela, eta kezkatuta agertu da "PPk eskuin muturrarekin dituen gobernuen aurrean, langileen eskubideak bortxatzen eta zapaltzen ari baita".
ELAk Diazi "propaganda" egitea leporatu dio
ELA sindikatuak "propaganda" egitea leporatu dio Sumarreko buruari, eta 2012ko lan-erreforma "bere osotasunean" efekturik gabe uzteko eskatu dio.
Ohar batean, sindikatuak deitoratu du presidenteordeak ostiral honetan Bilbon egindako bisitak "helburu elektorala" izan duela, eta gaitzetsi egin du "sindikatu nagusiarekin bilera bat egiteari uko egin izana".
ELAk ohartarazi duenez, Diazek "duela urtebete uko egin zion 2012ko lan-erreformaren kaleratze-araudia aldatzeari", eta "kaleratzeak eragozteko konpromiso zehatzak" hartu beharko lituzkeela uste du.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.