Migrazio alorrean Estatuak dituen "eskuduntza guztiak" Kataluniaren esku uztea jasotzen du akordioak
Migrazio eskumena Kataluniaren esku uzteko atzo PSOEk eta Juntsek azken unean izenpetutako akordioa berretsi du gaur Felix Bolaños Espainiako Gobernuko Presidentetza, Justizia eta Gorteekiko Harremanetarako ministroak. Ez du xehetasunik eman, baina azaldu du lege organiko baten bidez egingo dela eskualdaketa eta egun migrazio alorrean Estatuaren esku dauden "eskuduntza guztiak" Generaliteari eskualdatuko zaizkiola. Gainera, azpimarratu du Konstituzioak hori egitea ahalbidetzen duela. "Migrazio eskumenaren eskualdatzea adostu bada, logikoki, gaur Estatuak bere gain hartzen duena, dagokion erkidegoaren esku utziko da, Konstituzioaren testuan espresuki adierazten den bezala", zehaztu du.
Akordioa baieztatu dute, baita ere, Miriam Nogueras, Jordi Turull eta Laura Borras Juntseko ordezkariek, agerraldi ezberdinetan. Horiek ere ez dute zehaztasunik eman, baina ziurtatu dute migrazio eskumena "osorik" transferitzea adostu dutela. Horien arabera, besteak beste, erresidentzia baimenen kudeaketa eta migrazio fluxuen gaineko erabakiak Generalitateak kudeatuko ditu, eskumena bere gain hartzen duenean.
Bien bitartean, Esquerra Republicana zuhur agertu da, eta "itunaren letra txikia" ezagutu nahi duela esan du. Teresa Jorda ERCko diputatuak Kongresuan uste du, oraingoz, "izenburua bakarrik" jakinarazi dela. "Pozik gaude Junts negoziaziora batu delako. Nolanahi ere, izenburua gauza bat da, eta konpromisoa, bestea. Kasu honetan, letra txikia ezagutzea ezinbestekoa da guretzat, eztabaidan sartzeko. Lan asko dago egiteko, oraindik", adierazi du.
Eta beste behin, oso tonu gogorra erabili du Alberto Nuñez Feijoo PPko presidenteak PSOEn zein Juntsen kontra, eta berriro Konstituzioa urratzea egotzi die. "Konstituzioaren kapitulazio baten aurrean gaude, argi eta garbi".
Popularren Madrilgo egoitza nagusian goizean egin duen agerraldian, Feijook azaldu du "oso larria" dela adostutakoa. Bere hitzetan, halako erabaki batek Europar Batasuneko edozein herrialdetan "arduradunen premiazko agerraldia" ekarriko luke.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.