Tsunami auzian "inplikazio politikoekin" aritzea leporatu dio Riberak Garcia-Castellon epaileari
Teresa Ribera Espainiako Gobernuko hirugarren presidenteordeak "inplikazio politikoekin" aritzea aurpegiratu dio Auzitegi Nazionaleko Manuel Garcia-Castellon epaileari. Tsunami auziko epaileak berretsi du Auzitegi Gorenak Puigdemont terrorismo delituengatik ikertu behar duela, eta horren ondotik Trantsizio Ekologikorako ministroa ere badenak esan du "inplikazio politiko garrantzitsua" duela eta "une sentikorretan gaia ateratzen" duela.
Espainiako telebista publikoari eskainitako elkarrizketan adierazi duenez, Garcia-Castellon epaileak "ohituta gauzka beti" erabakiak "norabide berean" hartzera.
Garcia-Castellon epaileak irizpide politikoen arabera jokatzen ote duen galdetuta, honakoa erantzun du: "Beti asmatu du datetan, hemerotekak horren lekuko dira".
Erreakzioak
Riberaren adierazpenek erreakzio soka luzea eragin dute. PPk iragarri du Senatuan duen gehiengo osoa baliatuko duela Teresa Ribera ministroaren aurkako gaitzespena aurrera ateratzeko. Halaber, popularrek Teresa Ribera Senatuko osoko bilkuran agertzera behartuko dute, presidenteordetzaren eta bere ministerioaren politikak zein diren azaltzeko.
Moncloak, bere aldetik, Auzitegi Nazionalak Tsunami auziari buruz hartzen duen erabakia errespetatuko duela nabarmendu du.
Magistraturaren Elkarte Profesionalak, Francisco de Vitoria elkarte judizialak eta Foro Judizial Independenteak deitoratu egin dituzte Teresa Ribera presidenteordearen adierazpenak, eta errespetua eskatu diote Espainiako Gobernuari. Gainera, epaileen elkarteek adierazi dute Justiziaren denborak ez daudela epaileen menpe, eta ezin dela ikerketa politikaren erritmora egokitu.
Zure interesekoa izan daiteke
Insaustik donostiarrei "gehiago eta hobeto entzuteko" konpromisoa hartu du
Astearte honetako Tokiko Gobernu Batzarraren osteko prentsaurrekoan, Jon Insaustik adierazi du bilera "berezia eta gogorra" izan dela. Donostiako alkateak eta Ane Oyarbide PSE-EEren Udaleko bozeramaile eta lehen alkateordeak Donostiako Gobernua "indartsu, indarberrituta eta jarrera berriarekin" dagoela defendatu dute.
Euskadik eta Iparraldeak lankidetza-akordioa sinatu dute igarobidean dauden migratzaileen inguruan
Akordio berria Gasteizko Ajuria Enea Jauregian sinatu dute Imanol Pradales lehendakariak eta Jean-Rene Etchegaray Euskal Hirigune Elkargoko presidenteak eta Baionako alkateak, eta "erronka politiko, ekonomiko, sozial eta ingurumenekoei elkarrekin aurre egiteko ikuspegi komuna eraikitzeko" borondatea dutela adierazi dute.
Garcia Ortizen prentsa burua: "Ayusok susmoaren harra elikatu zuen"
Mar Hedok lekuko gisa deklaratu du astearte honetan Alvaro Garcia Ortiz Estatuko fiskal nagusiaren aurkako epaiketan; Gonzalez Amadorren abokatuak bere bezeroaren izenean Ogasunari iruzur egitea onartu zuen mezu elektroniko bat filtratu eta sekretuak zabaltzearen delitua egin zuelakoan ari dira epaitzen Garcia Ortiz.
Azaroaren 23an izango dira Arabako kontzejuetako hauteskundeak
30.000 pertsona baino gehiago daude botoa ematera deituta lurraldeko 333 kontzejuetan, Administrazio Batzarrak berritzeko. Batzar horiek landa-bideak, mendiak, iturriak, baso-ondarea eta bestelako ondasun publikoak kudeatzen dituzte.
PSNrekin akordioa lortuz gero, Iruñeko udalaren aurrekontuak "inoiz izan diren kontu zabalenak" izango direla adierazi du Asironek
Joseba Asironek argi esan du PSNrekin akordioa lortu eta Iruñeko udalaren aurrekontuak onartu egingo direla. Inoiz izan diren kontu zabalenak izango direla adierazi du Euskadi Irratian Asironek.
Albiste izango dira: Mazonen dimisioaren biharamuna, Ayusoren bikotekidea epailearen aurrean eta Bizkaiko DYAko presidente ohiaren aurkako epaiketa
Gaurkoan Orain-en albiste izango direnen laburpena, bi hitzetan.
Ayusoren bikotekideak eta Miguel Angel Rodriguez haren kabineteko buruak Estatuko fiskal nagusiaren aurkako epaiketan deklaratuko dute gaur
Auzitegi Gorenak Alvaro Garcia Ortizen epaiketaren bigarren eguna egingo du gaur, sekretuak ezagutaraztea egotzita. Alberto Gonzalez Amadorrek eta Miguel Angel Rodriguezek egingo duten deklarazioak izango dira eguneko hitzordu nagusiak.
PPk Voxen esku utziko du Valentziako Gobernuaren etorkizuna, Mazonen dimisioaren ostean
Alberto Nuñez Feijoo eta Santiago Abascal PP eta Voxeko buruek, hurrenez hurren, telefonoz hitz egin dute astearte honetan. Genovako iturrien arabera, "tonu atsegin eta onean" aritu dira hizketan bi politikariak, baina, oraindik, mahai gainean izen-abizenik jarri gabe. Antza, bat etorri dira, iritzi baitiote lehentasuna "Valentziari egonkortasuna ematea" dela.
Bilbok 751 milioi euroko aurrekontua izango du 2026an, aurten baino % 4,5 gehiago
Juan Mari Aburto Bilboko alkateak udal aurrekontuen proiektua aurkeztu du, herritarren "beharrizanekin koherentea eta jasangarria" dela iritzita. Santutxuko ertzain-etxe berria, Deustuko suhiltzaile-parkea eta Emakumeen Etxea dira aurreikusten diren proiektu handienetako hiru. Gainera, Segurtasuna, Etxebizitza eta Zerbitzu Publikoak izango dira aurrekontuen ardatzak, Aburtoren hitzetan.
GOIDIaren biktimak kalera atera dira justizia eskatzeko, dimisioaz haratago
GOIDIaren biktimak kalera atera dira berriro ere, dimisioaz haratagoko justizia eskatzeko. Euren ustez, berandu eta gaizki heldu da Carlos Mazonen dimisioa. Gainera, gaitzetsi egin dute presidentearen hitzaldiaren muina kalte materialak izan izana, bai eta bere burua kriminalizazioaren biktimatzat jo izana.