Amnistia Legean "giza eskubideen urraketa larririk egin ez" duten terrorismo delituak jasotzea adostu dute
Amnistia Legearen baitan terrorismo delituei buruzko testua moldatzeko erdibideko zuzenketa (zuzenketa transakzionala) adostu dute PSOEk eta Junts per Catalunyak. Iturri sozialistek aurreratu dutenez, itundutako aldaketak "joan den asteko ponentzian onartutako zuzenketa teknikoen bide beretik datoz" eta helburua "lehendik juridikoki argia den testuari, are argitasun handiagoa" ematea da. Sumar, ERC, EH Bildu, EAJ eta Podemos taldeek ere babestu dute zuzenketa.
Sozialistek eta kataluniarrek azken orduan itxitakoari esker, Tsunami Democraticen aferan zerikusia izan zuten kideak babestuago geldituko dira. Alegia, terrorismo delitua leporatuta izan arren, giza eskubideen kontrako urraketa larriren bat egin ez dutenak amnistiatu ahal izango dira. Aldiz, terrorismo delituak arautik kanpo geratuko dira "argi eta garbi eta zuzenean giza eskubideen urraketa larriak eragin badituzte".
Kongresuan gaur egitekoa den Justizia Batzordearen bilerara sartu aurretik eman du akordioaren berri PSOEk. Besteak beste, taldeen zuzenketak aztertu eta bozkatuko dira gaurko saioan. PSOEren hitzetan, "amnistiak zigor arloan dituen ondorioei buruzko artikuluari argitasun eta zehaztasun handiagoa" eman zaio, eta epaileek zein magistratuek izan dezaketen ahalmena indartu egiten da, bereziki, "kautelazko neurriak kentzearen" inguruan erabaki behar badute.
Aldaketokin, sozialisten arabera, "urrats erabakigarria" emango da, Katalunian "bizikidetzan" eta "aro politiko berri baten irekieran" aurrera egiteko "lan politikoan eta juridikoan". "Akatsik gabeko Amnistia Legea bermatuta geratzen da, ikuspuntu teknikotik. Konstituzioarekin zein Europar Batasuneko Zuzenbidearekin guztiz bat dator", zehaztu dute.
Gaurko bozketa eta tramitea igarota, Amnistia Legea Kongresuko osoko bilkuran onartu beharko da.
Europar Batasuna
Bestalde, Europar Batzordeak gaur esan du "oso serio" hartu duela Amnistiaren Legearen azterketa, baina ez duela horri buruzko erabakirik hartuko, harik eta Espainiako Kongresuan behin betiko onartu arte. "Gure azterketa amaitu ahal izateko, dagoeneko onartuta dagoen lege batean oinarritu behar dugu, eta hori ez da oraindik gertatu", argitu du Julien Mousnier Zuzenbide Estatuari eta Oinarrizko Eskubideei buruzko arduradun europarrrak.
Halaber, Brusela "hasieratik" Espainiako agintariekin harremanetan dagoela adierazi du. Arauak "behin betiko forma" hartzen duenean erabakiko da Europako Zuzenbidean lekuan duen edo ez amnistia legeak.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.