Aragonesek CDR taldeen ekintzak zuzentzen zituela argudiatuta eskatu zuen CNIk hura espiatzea
Pere Aragones Generalitateko presidenteak Errepublikaren Defentsarako Batzordeak (CDR) zuzentzen zituela argudiatu zuen Espainiako Inteligentzia Zentroak (CNI), Pegasus sistemaren bidez hura espiatzeko (2019ko uztailetik 2020ko martxora) baimena eskatu zionean Auzitegi Gorenari. Informazio hori dago jasota, besteak beste, Espainiako Gobernuak espioitza ikertzen ari den epailearen esku utzi zituen —desklasifikatu ondoren— hiru autoetako batean.
Dokumentuotan jasota dagoenez, CDR taldeak "zuzentzea" eta "protestak koordinatzea" Aragonesen ardura zela baieztatu zuen CNIk. "Bere lan instituzionaletik kanpo eta klandestinitatean, CDRen koordinatzaile lanetan jarraitu du", dio autoetako batek.
Informazioaren berri izan orduko, Aragonesek bere haserrea adierazi du, eta "gezurrak asmatzea" egotzi dio Inteligentzia Zentroari. Uste du "Kataluniaren kontrako operazioaren bigarren zatiaren aurrean" gaudela, eta harik eta "faltsukeria" guztiak argitu arte, ez duela amore emango hitz eman du.
Halaber, presidente kataluniarrak berriro salatu du informazia asko gorde dela isilean, "dokumentu asko desklasifikatu gabe" geratu direlako. "Katalunia Operazioak bigarren zati bat izan duela argi geratzen ari da: Kataluniaren independentziarekin dugun konpromisoagatik, espioitza", esan du.
Bien bitartean, Espainiako Gobernuaren izenean Felix Bolaños Presidentetza, Justizia eta Gorteekiko Harremanetarako ministroak berretsi du 2019an orduko Exekutiboak ez zuela Aragones espiatzea baimendu, eta horren berririk ere ez zuela zehaztu du. Erantsi duenez, PSOE agintera heldu aurreko garaian du jatorria operazioak.
Kontrara, PPk beste behin esan du Sanchezen Gobernuak baimendu zuela 2019 eta 2020 artean Generalitateko presidentea zelatatzea. "ERCko kideak espiatzeko baimena eman zuten bitartean, alderdi horretako buruzagiekin eseri zen aldebiko elkarrizketa-mahai batean", salatu du Alderdi Popularrak.
Albiste gehiago politika
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.