ETAko presoei buruzko "jarraibideak" lituzketen Sorturen txatak ikertzen ari da Garcia Castellon epailea
Manuel Garcia Castellon Auzitegi Nazionaleko epaileak berriro zabaldu du 2016 eta 2019 artean ETAko presoei egindako 95 omenaldiengatik biktimak umiliatzea egotzita ETAko presoei eta Sortuko kideei irekitako auzia. Oraingoan Sorturen bi txaten eta Sare sare herritarraren beste baten atzean nor dagoen jakin nahi du, magistratuaren arabera, ETA erakunde armatuko "presoekin eta iheslariekin lotutako hainbat gai eta arlori buruzko jarraibideak" eman baitira txat horietan.
Ebazpen horren arabera, Instrukzioko 6. Epaitegi Zentraleko titularrak Telegram konpainiari eskatu dio, ikerketa daraman polizia-unitatearen bitartez, kanal horien titulartasunaren berri eman eta horien administratzaileak identifika ditzaten.
Urriaren 27an, epaileak auzia ez luzatzea erabaki zuen, baina Dignidad y Justiciak helegitea aurkeztu zuen, eta orain, Fiskaltza aurka egonik ere, epaileak onartu egin ditu aurkeztu diren alegazio horiek, eta auziarekin jarraitzea erabaki. Izan ere, uste duenez, "instruitutako gertakariak argitzeko eta horietan parte hartu duten subjektuak zehazteko" beharrezkoak dira proposatutako ikerketa-eginbide berriak.
Horrela, Garcia Castellonek aitortu duenez, instrukzioa "goizegi" itxi zen, eta uztailaren 29ra arte luzatzea erabaki du, eginbide horiek egiteko.
Eginbide horien oinarrian daude Carlos Saez de Eguilaz eta Felipe San Epifanio Pipe ETAko preso ohien gailu informatikoetan Sorturenak eta Sarerenak liratekeen Telegrameko bi kanaletako hainbat mezu. Hain zuzen ere kanal horien administrariak nortzuk diren jakitea du helburu epaileak.
Sorturen eta EH Bilduren erantzuna
Arnaldo Otegi EH Bilduko koordinatzaile nagusiaren iritziz, Manuel Garcia Castellon Auzitegi Nazionaleko epaileak emandako autoak "euskal frontea ireki" nahi du, "behin Kataluniako frontea irekita".
Bere ustez, "Espainiako Estatuan dagoena pultsu bat da, Estatu horretako nazioei, herriei eta langileei interesatzen zaizkien eztabaidak egiteko aukera zabaldu nahi dugunon eta, kosta ahala kosta, halakorik eragotzi nahi dutenen artean". Hala, "Espainiako Estatuko eskuinari eta eskuin muturrari" leporatu die hori, "zeinak, gure ikuspuntutik, ia-ia gauza bera baitira".
Arkaitz Rodriguez Sortuko idazkari nagusiak ere epailearen erabakia gaitzesi du, X-en zabaldutako mezu baten bidez:
2018tik irekitako auzia
Auzi hori 2018ko otsailean hasi zen, Anton Lopez Ruiz Kubati ETAko preso ohi historikoa eta Sortuko Ohiana Garmendia eta Miren Zabaleta Aurresku-Carmen Operazioan atxilotu zituztenean.
Guardia Zibilak auzi honetan bidalitako txosten batek liskar politikoa eragin zuen, presoen abokatuek edo Sareko abokatuek izandako elkarrizketak jasotzen baitziren, Joseba Azkarraga sailburu ohiarekin izandakoak, esaterako, zeinetan Azkarragak Espetxeetako idazkari nagusi Ángel Luis Ortizekin egindako gestioak aipatzen baitziren, presoen lekualdaketei edo gaixo dauden presoen egoeraren ingurukoak.
Auzi horren barruan, epaitegiak Sortuko ETAko presoen aldeko batzordeak argitaratutako "Kalerainfo" aldizkaria eta www.kalerakalera.eus webgunea ixtea agindu zuen, terrorismoa goratzeko tresna zirela iritzita.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.