Martinezek "amaitutzat" eman du Sumar eta Elkarrekin Podemosen arteko hautagaitzaren inguruko eztabaida
Sumarren Espainiako Kongresuko diputatu eta Araba, Bizkai eta Gipuzkoako ordezkari Lander Martinez ETB-1eko "Egun on" saioan izan da gaur, asteazkenarekin, eta bertan baieztatu du bere alderdia ez dela EAEko hauteskundeetan Elkarrekin Podemosekin koalizioan aurkeztuko.
Atzoko bilera izan zen, horrenbestez, azkena. Martinezen esanetan, "argi geratu da Podemosek beste bide bat hautatu duela", eta horrek balizko koalizio bati ateak itxi dizkio, "konfiantza faltagatik".
"Euskal gizarteak dituen arazoak mahai gainean jarri nahi ditugu, gure buruaz hitz egiten aritu beharrean. Podemosek aspaldi aukeratu zuen beste bide bat hartzea, Kongresuan Sumarrekin koalizioa hautsi zuenetik edo Galizian bere aldetik aurkeztea erabaki zuenetik", esan du.
Erabaki horren aurrean, marra gorria zein izan den galdetuta, Sumarreko ordezkariak adierazi du konfiantza ezak ekarri duela, nagusiki, haustura. "Gisa horretako prozesu politikoak sortzeko konfiantza funtsezko elementua da, eta zaila da hori lortzea akordioak betetzen ez direnean", erantsi du.
Zentzu horretan, argitu du "arazo material" bat ere badagoela horren guztiaren atzean. "Nik badut nahi ditudan akordioak egiteko eta sinatzeko autonomia, baina Podemosen kasuan Madrilek agintzen du, eta aspaldi esan zuten handik ez zutela koaliziorik nahi", azaldu du.
Sumarrek aurrera begira dituen asmoek eta lehentasunek ere hartu dute lekua elkarrizketan. Martinezen hitzetan, munduak dituen erronkak dira horietako batzuk, baina halaber, eztabaidaren erdigunean, badituzte beste zenbait helburu ere; zerbitzu publikoen defentsa, adibidez.
Euskadin ziklo politiko berri bat irekitzen ari denaren uste osoarekin, datorren legealdia mamitsua izango dela nabarmendu du. "Sumarrek Euskadin betetzen duen espazio soziopolitikoa existitu egiten da, eta gobernu aurrerakoiak sortzeko ezinbestekoak gara. Euskal herritarren beharrak defendatzen saiatuko gara, eta horretan ekarpen handia egin dezakegu. Jaurlaritzak ez bezala, baditugu ideiak etorkizunari begira", bukatu du.
Zure interesekoa izan daiteke
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.
PSOEk irabaziko lituzke hauteskunde orokorrak CIS inkestaren arabera, Ceutako krisiaren ostean bi puntu jaitsi arren
Iraileko CIS inkestak aurreikusi du PSOEk botoen % 31 lortuko lukeela, PPk % 25,5 eta Voxek % 16,6. Alderdi Popularrak lau hamarren egingo luke behera; ultraeskuinak, berriz, 1,3 puntu gora. Halaber, EH Bildu EAJren aurretik geldituko litzateke, hurrenez hurren, botoen % 1,3 eta 0,7 lortuta.