Koldo Garciak bi urtetan ondarea 1,5 milioi handitu zuela ikertzen ari da epailea
Ikertzaileek Koldo Garcia Jose Luis Abalos ministro espainiar ohiaren aholkulari izan zenak 2020tik 2022ra ondarea nola handitu zuen ikertzen ari da, denbora tarte horretan 1,5 miloi eurora iristen diren ondasunak eskuratu baitzituen, tartean Benidormen bere alaba adingabearen izenean, eta hipotekarik gabe, erosi zuen etxebizitza bat.
Soluciones de Gestion y Apoyo a Empresasek esleipen publiko batzuk jaso eta "bost hilabetera" izan ziren erosketak. Hain zuzen ere, enpresa hori ari da ikertzen Ismael Moreno Auzitegi Nazionaleko epailea pandemian musukoen salerosketan komisioak kobratzeagatik irekitako auzian.
Koldo Garcia, Victor Aldama Zamora CFren presidentea eta Iñigo Rotaetxe enpresaria ari dira, besteak beste, auzi horretan ikertzen, eta atxilotu ostean libre geratu baziren ere, Espainiatik ateratzea debekatu diete.
Madrilgo PPk jarritako salaketa baten harira Ustelkeriaren aurkako Fiskaltzak 2022an aurkeztutako kereilaren puntu garrantzitsuenak aipatzen dira behin behineko neurriei buruzko autoan.
Koldo Garciaren eta bere emaztearen ondarearen hazkundeaz gain, Fiskaltzak "diru-sarrera efektiboetan" ere jartzen du azpimarra.
Gainera, 2020ko abendutik aurrera hipoteka eta maileguetan egindako ekarpenen hazkundea aipatzen da, Benidormeko hiru higiezinekin lotuta.
Higiezinetako bat Koldo Garciaren alaba adingabearen izenean erosi zuten 115.000 euroren truke eta hipotekarik gabe: 11.500 euro eskudirutan ordaindu ziren, eta gainerakoa lau txekeren bidez. Lau txekeetako diruaren jatorria alabaren izenean dagoen kontu bat da, baina erosketa egin baino bi egun lehenago 110.023 euroraino diruz hornitua izan zena: Koldo Garciaren anaiak emandako mailegu baten bitartez, eta Koldo Garciak eta bere emazteak egindako ekarpenekin, tartean 90.000 euro eskudirutan.
Ismael Moreno epailea talde kriminala osatzea, dirua zuritzea eta kargudunen eroskeria ikertzen ari da auzi honetan, COVID-19arekin lotutako 13 kontraturen esleipenetan ustez izandako irregulartasunengatik.
Zure interesekoa izan daiteke
Aurrekontuak onartu ezean, hauteskundeak deitzea eskatu dio EAJk Sanchezi
Jeltzaleek gehiengo parlamentarioa galdu izana leporatu diote Gobernuari, eta Sanchezek esan du alderdiekin negoziatuko duela kontuak aurrera ateratzeko.
Bizimodu duina bermatzeko politikei buruzko eztabaida monografikoa Legebiltzarrean
EH Bilduko Pello Otxandianok zerga eta etxebizitza erreforma proposatu du, Hernandezek (Sumar) gehien dutenek gehiago ordaintzea eskatu du eta Martinezek (Vox) "etxekoentzako" baliabideak lehenestea.
Gizon bat atxilotu dute Enrique Maya Iruñeko alkate ohiari egindako erasoarekin lotura duelakoan
Joan den ekainaren 9an, Iruñeko alkate ohia iraindu eta kolpatu zuten Estafeta kalean, baina ez zen zauritu. Mayak gertakaria salatu egin zuen, eta ustezko egilea atxilotu dute orain, segurtasun-kamerak aztertu ondotik.
Zapaterok ukatu egin du Auzitegi Nazionalean Plus Ultraren alde eraginik baliatu izana
Espainiako Gobernuko presidente ohiak Plus Ultra auziagatik deklaratu behar zuen hasieran, baina azkenean bulegoan atzeman dizkioten bitxiengatik ere deklaratu behar du.
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.
Zapaterok bitxiengatik ere deklaratuko du asteazken honetan, Calama epaileak atzeratzea ukatu ostean
Espainiako gobernuburu ohiaren defentsak atzerapena eskatu zion Calama epaileari, gutxienez 1,3 milioi euroko balioa duten bitxien jatorriari buruzko dokumentazioa biltzeko denbora gehiago edukitzeko. Ferrazko bere bulegoan aurkitutako bitxiengatik kontrabando eta zerga delituak leporatu dizkio.