Abalosek baztertu egin du dimisioa ematea, baina 'Koldo auzia' ministro zela lehertu balitz egingo omen zukeen
Jose Luis Abalos Espainiako Sustapen ministro ohi, PSOEren antolakuntza idazkari ohi eta egun diputatu denak iragarri du ez duela dimisioa emateko asmorik, baina onartu du Koldo auzia Gobernuko kide zenean lehertu balitz, egingo zukeela.
"Diputatua naiz orain, ez naiz ministroa. Hori ni ministro nintzela gertatu izan balitz, argi dago dimisioa eman beharko nukeela" esan du Abalosek La Sextan egin dioten elkarrizketa batean. Ildo horretan, orain ez dela Gobernuko kide nabarmendu du, eta diputatu gisa dituen funtzioen esparruan ez duela "inolako erantzukizunik".
Abalosek gogorarazi du ez dagoela "ezergatik akusatuta" eta ez dagoela inolako ustelkeria saretan inplikatuta, eta edozein kasutan ere "langileak hautatzeko gaitasun politikorik eza" leporatu dakiokeela, dezepzionatu duten pertsonengan konfidantza izatea, alegia. "Horrek politikoki gaitasungabetzen banau, agian bizitza osorako gaitasungabetzen nau gauza guztietarako (...) izugarria iruditzen zait", defendatu da.
Lehenago, El Paisek egin dion elkarrizketan berretsi du "akusazioa politikoa eta mediatikoa" dela, ez dagoela bere kontrako akusazio judizialik. Pedro Sanchez Espainiako Gobernuko presidentearekin hitz egin ote duen galdetuta, erantzun du ezetz, ez diola enbarazu egin nahi, eta badakiela berak zer pentsatzen duen eta badakiela "leiala" dela.
Sanchez: "Ustelkeriaren aurkako borrokak gupidagabea izan behar du"
Pedro Sanchez Espainiako Gobernuko presidenteak ez du kasua espreski aipatu larunbat honetan Ferrazen, Nazioarteko Sozialistaren irekieran, baina bere Gobernuak "ustelkeriaren aurka hartutako konpromisoa irmoa" dela defendatu du eta horren aurka "gupidagabea" izan behar dela ere berretsi du: "ustelkeria edonondik datorrela eta edonor erortzen dela ere".
"Alderdi Popularra agintean zegoenean gertatu bezala, eurekin zerikusia dutelako justiziaren ikerketa oztopatzen dutenen aurrean, guk erabateko lankidetza dugu justiziarekin kasuaren amaierara iristeko", adierazi du Sanchezek.
Albiste gehiago politika
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.