Abalosek ez dio diputatu aktari uko egin eta PSOEk militantzia bertan behera utzi dio
Jose Luis Abalos Espainiako Gobernuko ministro ohi sozialistak iragarri du Kongresuko diputatu aktari eutsi egingo diola eta Talde Mistora pasatuko dela. Horrenbestez, PSOEk eskatutakoari entzungor egin dio. 24 orduko epea eman zion alderdiak eserlekua uzteko, 'Koldo auzia' dela eta —joan den ostegunean atxilotu zuten Koldo Garcia, Abalosen aholkulari izandakoa, covid-19aren pandemian maskaren erosketan iruzur egin zuelakoan—.
Gaurko agerraldian, Garraio ministro izandakoak aitortu du bere ibilbide politikoan hartu duen "erabaki gogorrena" dela honakoa. Alderdiaren eta alderdikideen babesa falta bota dituela ere gehitu du, eta baita ere, gaiaren inguruan "hausnarketa sakon" bat egitea PSOEren barruan. "Ez da posible izan", erantsi du.
Halaber, berretsi du ez dagoela bere kontrako akusaziorik, eta inoiz ez duela legez kanpoko ordainketarik jaso. Inoiz ez zuela bere burua "PSOEtik kanpo" irudikatzen aitortu du. Gainera, uste du akta entregatzeak "irakurketa okerra" izan dezakeela: "erruduna naizela interpretatu daiteke, eta horrek nire pertsonaren eta ibilbidearen gaineko estigmatizazioa ekarriko luke".
Erabakiaren berri izan orduko, PSOEk jakinarazi du behin behinean militantzia bertan behera utziko diola Abalosi, eta alderditik kanporatzeko espedientea zabalduko diola.
Hedabideetara zabaldutako ebazpen batean, Alderdi Sozialistak argudiatu du ministro ohiak Batzorde Federalaren agindu bati uko egin diola, eta hori "arau-hauste larria" dela, talde sozialistaren estatuaren arabera.
Orain, bost eguneko epea du Abalosek, haren kanporatze espedientea izenpetu duen instruktorearen aurrean "bere burua defendatzeko probak" aurkezteko.
Diputatu akta ez, baina Kongresuko Barne Batzordeko presidente kargua utzi egin zuen atzo Abalosek.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.