Gorenak Puigdemont auzipetu du "terrorismoa" leporatuta, 'Tsunami Democratic' auziari lotuta
Auzitegi Goreneko Zigor Aretoak aho batez erabaki du Carles Puigdemont Generalitateko presidente ohia "terrorismoagatik" ikertzea, 'Tsunami Democratic' mugimendiaren auzian. Eurodiputatua ez ezik, epaileak Ruben Wagensberg Kataluniako Parlamentuko diputatua ere ikerketapean jarri du.
Auzitegi Goreneko Fiskaltzaren irizpidearen kontra hartu du Auzitegi Goreneko Zigor Aretoak erabakia. Biak forudunak direla gogorarazi dute magistratuek autoan, eta, ondorioztatu dutenez, "beharrezkoa eta egokia da prozedurara deitzea, ikertu gisa entzun ahal izateko, gure ordenamendu juridikoan aurreikusitako eskubide eta berme guztiekin".
Manual Garcia Castellon epailearen argudioak kontuan hartu ditu, beraz, Manuel Marchena buru duen zigor aretoak; izan ere, Garcia Castellonek ziurtzat jo zuen 'Tsunami Democratic' mugimendiaren sustapenean eta antolakuntzan parte hartu zutela bi politikari katalanek.
Auzitegi Goreneko Fiskaltzak ondorioztatu zuen Garcia Castellonek susmoetan oinarritu dituela akusazioak, baina iritzi hau baztertu eta Puigdemont eta Wagensberg ikertzea erabaki du orain Auzitegi Gorenak. Susana Polo magistratua izango da kasuaren arduraduna.
Bien bitartean, Auzitegi Nazionalaren esku utzi dituzte gainerako 10 inputatuak, tartean, Marta Rovira ERCko idazkari nagusia.
"Matrix judiziala" salatu du Puigdemontek
Bestalde, Puigdemontek "Matrix judiziala" salatu du.
"7.000 euroko Rolex bat oparitu didatela esan duten egun berean, terrorismoa inputatu didate. Panaman kontu-korronte sekretua dudala esatea baino ez zaie falta, adierazi du, ironiaz, X sare sozialean.
"Espainiako Matrix judizialak kazetaritza txarraren jokabidea moldatu du: ez utzi errealitateak inputazio on bat zapuztea", gaineratu du.
Pere Aragones Generalitateko presidenteak "pentsa daitezkeen muga guztiak zeharkatzea" leporatu dio Gorenari. "Carles Puigdemonti eta Ruben Wagensbergi babes osoa. Terrorismoagatik Gorenak haien aurkako auzia irekitzea, berriz ere, imajina daitezkeen muga guztiak gurutzatzen ditu. Ezin dugu normalizatu Espainiako Justiziak eskuinari eta eskuin muturrari jokoa egitea", nabarmendu du X sare sozialean.
Laura Borras Junts Kataluniako presidentearen hitzetan, Puigdemonti auzia irekitzea "politika judizializatzeko beste maniobra bat da". "Ez diote uko egiten nola edo hala jazartzeari. Carles Puigdemonten aurka doaz. Guk ere ez diogu ezeri uko egiten eta dena emango dugu, badakite", esan du Borrasek X sare sozialean.
Josep Rius JxCateko presidenteorde eta bozeramailearen iritziz, "manifestazio eskubidea terrorismoarekin nahasten" ari dira, eta horrek "Espainiako epaileen kalitate demokratiko falta baieztatzen du", "ezin baitzaio terrorismo deitu manifestatzeko eskubidearen erabilera askeari".
Aitzitik, Cuca Gamarra PPko idazkari nagusiak adierazi du Gorenaren erabakiak agerian uzten duela "gure herrialdeko zuzenbide-estatua ezin duela Pedro Sanchezek erosi, eta Gobernua baino askoz indartsuagoa dela". Diputatuen Kongresuan emandako prentsaurrekoan, Gamarrak azpimarratu du Gorenaren erabakiak agerian uzten duela amnistia legea "ustelkeria politikoa" dela.
Vox alderdi ultraeskuindarra ere pozik azaldu da Espainiako Justiziaren erabakiarekin, Pedro Sanchezen Gobernuak sortutako amnistia "geldiarazi" egiten duela uste duelako.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.