Greba "helburu politikoekin erabiltzea" leporatu dio Anduezak ELAri
Eneko Andueza PSE-EEko idazkari nagusiak gogor jardun du gaur ELA sindikatuaren kontra, EAEko sektore publikoan izandako grebaren biharamunean. Izan ere, horren ustez, lanuztearen deialdiak asmo politikoak "izan ditzake".
Radio Euskadiko "Boulevard" saioari eskainitako elkarrizketa batean, greba eskubideari "errespetu osoa" diola azpimarratu du sozialisten lehendakarigaia ere badenak, baina aipatu du "sindikaturen batek" —gero ELAri buruz ari dela zehaztu du— greba bera "xede bihurtu" eta "helburu politikoekin erabili" duela. Kritikatu duenez, "helburu politiko jakin batzuekin grebak erabiltzea lanuztearen helburu eta izaera desitxuratzea da nolabait".
Anduezaren ustez, sindikatu abertzalea "ez den gauza batera jolasten ari da", eta Mitxel Lakuntzak bere garaian egindako adierazpenak izan ditu gogoan. ELAko idazkari nagusiak esan zuen Euskadin ez zegoela oposiziorik eta sindikatua prest zegoela horretan aritzeko. PSE-EEren buruzagiak uste du adierazpenok ELAk "sindikatu ez den zerbait" bihurtu nahi duen "asmoa argia" direla.
Dena dela, aitortu duenez, "zenbait zerbitzu publikotan lan gatazkak" egon badaude eta "konpondu behar" dira. Elkarrizketa sozialaren bidez irtenbidea topatuko zaiela espero du Anduezak.
Pello Otxandianok (EH Bildu) proposatutako estatus politiko berria hizpide hartuta, Anduezak esan du Euskadik "Estatutu berria merezi" duela, eta "ez estatus berri bat; oso gauza ezberdina da eta", arrazoitu du. Horren harira, argi hitz egiteko eskatu die EAJri eta EH Bilduri. Horren ustez, jeltzaleak eta koalizio abertzalea dira Estatutua ez berritzea "galarazi" dutenak. "Estatutua berritzeko unea heltzen zenean, biek dena erabakitzeko eskubidearen eta euren amets soberanista eta independentisten alde jartzen zuten", salatu du.
Hori horrela, azpimarratu du EAJk EH Bilduren eta PSE-EEren artean "hautua egin" beharko duela. "Estatus berri bat euskal moldera egindako Kataluniako prozesu bat izango litzateke, Lizarrako Akordioaren edo Ibarretxe Planaren modukoa", erantsi du.
Albiste gehiago politika
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".