Illa, Aragones eta Puigdemonten arteko hiruko lehia erdigunean dela, gauerdian abiatuko da kanpaina Katalunian
Kataluniako Parlamentuak 2024ko aurrekontu proposamena atzera bota ondoren, bozak aurreratzea erabaki zuen Pere Aragonès presidenteak, eta maiatzaren 12rako hitzordua ipini. Bada, iritsi da lasterketa azken txanpara. Gaur gauerdian abiatuko da hauteskunde kanpaina eta, ohi bezala, 15 egun izango dituzte alderdiek euren programak aletzeko eta herritarrei botoa eskatzeko.
Zalantzarik gabe, Pedro Sanchez Espainiako Gobernuko presidentearen azken erabakiak astinduko du kanpaina hasiera; karguan jarraitu edo ez hausnartzeko, bere agenda bertan behera utzi du gobernuburu espainiarrak. Gutxienez, PSCren lau ekitalditan parte-hartzekoa zen datozen egunotan.
Sanchezen iragarpenak izan dezakeen eragina gorabehera, hiruko lehia aurreikusten da Katalunian. Pere Aragonès egungo presidentea (ERC), Carles Puigdemont (Junts+Puigdemoont per Catalunya) eta Salvador Illa (PSC) dira Generaliteko presidentetzarako hautagai nagusiak, Katalunian giro politikoa aspaldiko ozpinduen dagoen garaiotan.
Inkesta dantza ere hasita dago, eta orain artekoek aurreikusten dutena da PSCren garaipena, eta Junts eta ERCren arteko lehia estua, bigarren posturako; Puigdemont legoke aurretik, oso gutxigatik. Galdeketek diote, baita ere, independentismoa apaldu egingo dela —2021eko hauteskundeetan bozka independentista % 52ra iritsi zen—.
Asko dute jokoan, halaber, Laia Estrada zerrendaburu duen CUPek eta Jessica Albiach hautagaiarekin aurkeztu den Comuns Sumar ezkerreko koalizioak. Aurrekontuen negoziazioetan, bi taldeon eta ERC eta PSC alderdien arteko jarrerak asko urrundu ziren, eta ikusteko dago afera horrek bozetan zenbaterainoko eragina duen.
Eskuineko hegalean daude, bestalde, Alejandro Fernandez (PPC), Ignacio Garriga (Vox) eta Carlos Carrizosa (Cs). Horiei dagokienez, inkestek utzi duten datu deigarriena popularren gorakada da.
Orotara, 5.754.840 herritar daude M12an botoa ematera deituta. Horietatik, 5.460.332 bizi dira Katalunian.
135 diputatuk osatzen dute Ganbera kataluniarra. Beraz, gehiengo osoaren langara iristeko 68 eserleku behar dira. 2021eko otsailaren 21eko hauteskundeek agertoki hau utzi zuten:
· PSC: 33 eserleku (% 23,04)
· ERC: 33 eserleku(% 21,3)
· Junts: 32 eserleku (% 20,04)
· Vox: 11 eserleku (% 7,69)
· CUP: 9 eserleku (% 6,67)
· En Comu-Podem: 8 eserleku (% 6,87)
· Ciudadanos: 6 eserleku (% 5,57)
· PP: 3 eserleku (% 3,85)
Boz horien ondotik, Aragones errepublikanoak hartu zuen Generalitateko presidentetza, 74 diputatu independentisten babesarekin (ERC, Junts eta CUP).
Zure interesekoa izan daiteke
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.
PSOEk irabaziko lituzke hauteskunde orokorrak CIS inkestaren arabera, Ceutako krisiaren ostean bi puntu jaitsi arren
Iraileko CIS inkestak aurreikusi du PSOEk botoen % 31 lortuko lukeela, PPk % 25,5 eta Voxek % 16,6. Alderdi Popularrak lau hamarren egingo luke behera; ultraeskuinak, berriz, 1,3 puntu gora. Halaber, EH Bildu EAJren aurretik geldituko litzateke, hurrenez hurren, botoen % 1,3 eta 0,7 lortuta.
Chivitek agerraldia egingo du asteazkenean Nafarroako Parlamentuan, Belateko obren geldialdia dela eta
Legebiltzarreko Mahaiak premiazko bilkura finkatu du oposizioko hainbat taldek eskatuta, lanak erabat geldirik daudela eta 8,5 milioiko gainkostuaren ordainketa juridikoki blokeatuta dagoela.
Donostiak lore eskaintza batekin omendu ditu frankismoaren biktimak Memoria Historikoaren Egunean
Jon Insausti alkateak ekitaldian azpimarratu du "Donostia erreferentea da memoria demokratikoan", eta berretsi du gerraren eta diktaduraren ondorioz indarkeria, errepresioa eta erbestea jasan zutenei errekonozimendua eta ordaina emateko konpromisoa dutela.
Segurtasunaren gaineko azterketa sakona aldarrikatu du Diez Antxustegik, alarmismoetatik aldenduz
ETB1eko "Egun on Euskadi" saioan egin dioten elkarrizketan, Joseba Diez Antxustegi EAJren Eusko Legebiltzarreko bozeramaileak adierazi duenez, beharrezkoa da EAJk eta PSEk eskatutako batzar monografikoa egitea.
Lander Martinez: "Egia da aurrekontuak aurkeztu egin behar direla, eta gu horretan tinko egongo gara"
Sumarreko diputatuak Euskadi Irratiko "Faktoria" saioan nabarmendu du PSOEri beren eskariak mahai gainean jartzeko lanean ari direla. "Aurrekontuak aurrera joaten ez badira, pentsatu beharko dugu zer egin, baina aurrera ateratzen ditugun gauzekin uztailera arte heltzeko moduan gaude", adierazi du.