Konfiantza-galdea planteatzea edo Presidentetza beste sozialista bati laga, Sanchezen aukeren artean
Pedro Sanchez Espainiako Gobernuko presidenteak karguan jarraitu ala ez erabakitzeko gogoeta egin behar duela iragarri ondoren, agintariak aukera desberdinak ditu mahai gainean. Buruzagiak ezin ditu Gorteak maiatzak 30 baino lehen desegin, baina bai konfiantza-galdea planteatu. Gainera, bozketa horretan ez luke gehiengo osorik beharko. Hauteskundeak deitzekotan, uztailaren azken asteetan izan beharko lirateke. Legeak ez du aurreikusten bozak igandean izan behar direnik, baina hala balitz, litekeena da uztailaren 28an egitea.
Beste aukera bat Presidentetza beste ordezkari sozialista baten eskuetan uztea litzateke, baina horrek Erregearen kontsulta prozesu berri bat eta beste inbestidura bat antolatzea beharko luke, eta egungo mapa politikoarekin, akordio eta konplizitate ugari beharko lituzke.
Konfiantza-galdea Espainiako gobernuburuaren esku dagoen tresna politiko bat da, Parlamentuan ahultasun egoera bati aurre egiteko. Baliabide horren bidez Gobernuak Kongresuari babesa eskatzen dio.
Konstituzioaren 172. artikuluaren arabera, Gobernuko presidenteak, Ministro Kontseiluan eztabaidatu ondoren, konfiantza-galdea planteatu dezake Kongresuaren aurrean, bere programa politikoaren edo politika orokorraren inguruan. Diputatuen gehiengo sinple batek aldeko botoa ematearekin nahikoa da. Eztabaidak inbestidura saioen formatu berdina izango luke.
Sanchezek Kongresuaren konfiantza lortuko ez balu, dimisioa emango balitz bezala gertatuko litzateke, eta presidente berria izendatzeko prozesua abian jarriko lukete, erregearen kontsulta eta inbestidura eztabaida berri batekin.
Espainiako gobernuburuak dimisioa ematen baldin badu, zalantza askoko agertokia zabalduko litzateke, baina Konstituzioan eta hauteskunde-legean jasota dagoen aukera da.
Pedro Sanchezek dimisioa emango balu zer gertatuko litzateke?
Kasu horretan, Gobernuak jardunean jarraituko luke lanean, Gobernuko presidente berri bat izendatu arte. Horrek esan nahi du Exekutiboak bere funtzioak mugatuta izango lituzkeela, legeztatzeko gaitasunik gabe, hauteskunde orokorrak igarota, gobernu berria aukeratu baino lehen, gertatu ohi den bezala.
Nork izendatuko luke presidente berria?
Kongresuak aukeratu beharko luke presidente berria, hauteskunde orokorren ostean ematen diren inbestidura prozesu beretsuarekin. Erregeak bilera-sorta egingo luke Ganbera ordezkaritza lortu duten indar politikoekin, eta haien iritziak entzun ondoren hautagai bat izendatuko luke.
Pedro Sanchez ordezkatzeko erregeak aukeratutako hautagaiak inbestidura eztabaida bati egin beharko lioke aurre, eta hautatua izateko Kongresuaren gehiengo osoaren babesa jaso beharko luke lehenengo bozketan, edo ezezko baino baiezko gehiago bigarren bozketa batean.
Presidentegaiak babesik ez badu, erregeak proposatutako hautagai berriei aukera emateko bi hilabeteko epea jarriko litzateke martxan. Bi hil horien ondotik, hautagai sendorik ez badago, Gorteak desegin eta hauteskunde orokor berriak deituko lirateke.
Zure interesekoa izan daiteke
Accionaren Bilboko egoitza miatu du Guardia Zibilak 'Koldo auzia'rekin lotutako informazioa lortzeko
Ikerketako iturriek jakitera eman dutenez, Bizkaiko hiriburuko egoitzara ez ezik, Madrilgora ere sartu dira agenteak, epaileak hala aginduta. Egoitza miatu bai, baina ez dute inor atxilotu.
Pello Otxandianok dio larunbata "egun baketsua" izan behar dela Palestinan "bakea eskatzen dugulako"
Pello Otxandiano EH Bilduk Eusko Legebiltzarrean duen bozeramaileak adierazi du ez dagoela kezkatuta larunbat honetan Euskal Selekzioaren eta Palestinaren arteko partida solidarioaren atarian istiluak egon daitezkeelako, Bilboko San Mames estadioan, eta nabarmendu du "egun baketsua" izan behar dela, "bakea eskatzen dugulako".
Maitane Ipiñazar: "Arartekoaren inguruan, Otegik bi gezur garrantzitsu esan ditu"
Maitane Ipiñazarren ustez, "begibistakoa da" da Mikel Mancisidor euskalduna dela, adierazpen asko euskaraz egin dituelako. Bestalde, esan du Otegik adierazi zuela "Arartekoa emakumea izan beharko zela", baina Ipiñazarrek jakinarazi du "EH Bilduren lehentasunen artean ez dela egon Arartekoa emakumea izatea".
Epai zain geratu da fiskal nagusiaren aurkako epaiketa
Azken saioan, Garcia Ortizen defentsak berretsi du Alberto Gonzalez Amador enpresaburua dela "benetako filtratzailea". Akusazioek, berriz, salatu dute fiskal nagusiak prentsa erabili zuela, herritarren artean iritzi bat sortzeko.
Juntsen abstentzioak Sanchezen Gobernuari arnasa eman dio, nuklearrei buruzko bozketan
Espainiako Gobernuarekiko haustura formalizatu eta hamar egunera, Carles Puigdemonten alderdiak PPren zuzenketa batek aurrera egitea eragotzi du. Txalo zaparrada batekin eratzun dute PSOEko diputatuek.
Zupiria: "Larunbatekoa nahi nuke izatea festa eguna, aldarrikapen eguna, elkartasun eguna, eta ez istilu eguna"
Ostegun goizean Bingen Zupiria Segurtasun sailburuak ohartarazi du larunbaterako komunikatu gabeko mobilizazio bat deituta dagoela, Euskal Herriko klubetako zaleek eta Palestinarekin Elkartasunak deitutakoari erreferentzia eginez. Hala ere, arratsaldean argitu dute mobilizazio hori komunikatuta eta baimenduta dagoela asteazken arratsaldetik.
CTBk atzera bota du garraioetako deskontuak otsailaren 20ra luzatzeko Aldundiak egindako proposamena
Proposamena Bizkaiko Garraio Kontseiluan landu da, baina atzera bota dute, Leixuri Arrizabalaga Aldundiko bozeramaileak ostegun honetan baieztatu duenez. Diputatuak zehaztu duenez, proposamenari bide ez emateak "oraingoz luzapena aplikatu ezin izatea" dakarren arren, foru erakundeak "ildo horretan akordio bat lortu ahal izateko lanean" jarraituko du.
Amnistiari buruzko azken hitza “aberria salbatu” nahi duten epaileek dutela ohartarazi du Puigdemontek
EBko abokatu nagusiak amnistia legearen gainean emandako iritzia dela eta balorazio ezberdinak egin dituzte aldeek. EBko abokatu nagusiak amnistia legeari babesa eman diola iritzi diote Junts, ERC eta Espainiako Gobernuak. PPren ustez, berriz, amnistia legeak zuzenbide estatuaren printzipioak "urratu" dituela ondorioztatu du Europar Batasuneko abokatu nagusiak.
Chiviteren hitzetan Gobernuan ez dago ustelkeria zantzurik: "Ez naute eroraraziko, ez dute lortuko"
Parlamentuan egindako osoko bilkuran, Chivitek esan duenez "edukiontziak gurutatzea bezain antisistema da instituzioak eta demokrazia ahultzen dituzten gezurrak zabaltzea". "Ez zaiteztela harritu ultraeskuinak gainetik pasatzen zaituztenean, zuek ari zarete haiei lan zikina egiten", esan die Gobernuan ustelkeria dagoela iradokitzen dutenei.
Ansola: "EAJ da alderdi bakarra, Voxekin izan ezik, alderdi guztiekin negoziatzeko ateak zabalik dituena"
Bizkai Buru Batzarreko presidenteak Euskadi Irratian egin duen elkarrizketa batean adierazi du, gainera, "gardentasuna" bultzatzen duela Segurtasun sailak atxilotuen jatorriak argitaratzeak. Gernikako Estatutuari dagokionez, azpimarratu du "traba politiko eta administratiboak" jartzen ari zaiela Espainiako Gobernua.