Manos Limpiasek onartu du faltsuak izan daitezkeen informazioetan oinarritzen dela "soilik" bere salaketa
Pedro Sanchez Espainiako Gobernuko presidenteak atzo zabaldutako gutunaren ondoren, Manos Limpias sasi-sindikatu ultraeskuindarrak oharra kaleratu du, zenbait azalpenekin. Bertan zehazten da Begoña Gomez gobernuburu espainiarraren emaztearen kontrako salaketa "soilik" hainbat komunikabidek kaleratutako "informazioetan" oinarritzen dela, eta onartzen da informazio horiek faltsuak izan daitezkeela. "Instrukzioaren ardura duen epaileari dagokio informazio hori egiazkoa den edo ez esatea", dio, hitzez hitz, Miguel Bernad Manos Limpiaseko idazkari nagusiak izenpetutako idatziak.
El Confidencial, Voz Populi, Libertad Digital, Esdiario eta The Objetive hedabideek argitaratuko zortzi albistetan zabaldutako informazioa dago jasota eskuin muturreko taldeak Madrilgo Instrukzio epaitegian Gomezen kontra jarritako salaketan. Sekretupeko ikerketa ireki du epaileak, influentzia trafikoagatik eta ustelkeriagatik, Fiskaltzak bere iritzia eman baino lehen. Oraingoz, bi kazetari deitu ditu lekuko gisa deklaratzera.
Goizean argitaratutako oharrean, Manos Limpiasek azaldu du "ustezko irregulartasunen berri" hainbat komunikabideren bidez izan zuela, eta horren aurrean Fiskaltzak urratsik eman ez zuela ikusita, "informazioa Epaitegiaren esku" uztea erabaki zuela, "diligentziak abiatu eta horien egiazkotasuna froga dezan".
Hori esan ondoren, Bernadek aitortu du "soilik" hedabideotako informazioa hartu dutela kontuan salaketa jartzeko. "Egiazkoak ez badira", gehitu du, "ardura" argitaratu zutenena da.
Amaitzeko, onartezintzat jo du Sanchezek Manos Limpias "talde ultraeskuindarra" dela esatea, eta haren kontra "eskuinak abiatu duen kanpaina" baten testuinguruan kokatzea salaketa.
Albiste gehiago politika
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kentzeagatik". Hitzok esan ditu alkateak Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.