Albaresek, Israelek Espainiaren aurka egindako bideoaren ondoren: 'Inork ez gaitu kikilduko'
Eguneko irudia Bruselatik iritsi da. Jose Manuel Albares, Espainiako Atzerriko ministroa eta Mohamed Mustafa Palestinako lehen ministroa bertan bildu dira gaur lehen aldiz.
Espainiako Gobernuak Palestinaren estatuaren aitortza egiteko bi egun besterik falta ez direnean izan da topaketa. Aitortza hori asteartean, maiatzaren 28an, egingo dute Espainiak, Norvegiak eta Irlandak.
Hala egingo zutela iragarri bezain laster Israel haserre agertu zen herrialde horien erabakiagatik, eta azken orduetan haserre hori beste maila batera eraman du. Herrialde bakoitzeko bideo bana kaleratu du, elementu sinbolikoak eta urriaren 7ko erasoaren irudiak tartekatuz eta Hamasen izenean, eskerrak emanez herrialde bakoitzari.
Espainiako bideoaren kasuan, herrialdearen karikatura egiten dute.
Albaresek esan du bideoa "eskandalagarria" dela eta inork ez dituela "kikilduko", Espainiak Palestina aitortzeko hartu duen erabakia irmoa dela.
Palestinako lehen ministroa ondoan zuela, Albaresek esan du eskandalua dela Israelek Espainiaren kontra argitaratu duen bideoa. Sare sozialetan partekatu du Israelgo Atzerri ministroak berak.
Josep Borrell Europar Batasuneko Kanpo Arazoetarako goi ordezkariak ere esan du Palestina Estatu gisa aitortzea ez dela "Hamasentzat opari bat" eta ez duela "terrorismoa babestea" esan nahi.
Palestinako lehen ministroak, bere aldetik, esker ona agertu du Espainiak, Irlandak eta Norvegiak Palestina estatua dela aitortuko dutelako.
Mohamed Mustafa Madrilera joango da asteazkenean. Bezperan, Sanchezen ministro kontseiluak Palestina estatua dela aldarrikatuko du.
Israelek, haserre, hainbat neurri hartu ditu Espainiaren kontra. Ostiralean iragarri bezala, ekainaren 1etik aurrera Madrilek ezingo du Zisjordanian duen enbaxadan palestinarrei laguntzarik eskaini. Debekua ostiralean iragarri zuen Israelgo Atzerri ministroak.
Eta testuinguru horretan, sirena hotsak entzun dira gaur, berriz ere, Tel Aviven. Azken lau hilabeteotan lehenengoz, koheteak jaurti ditu Hamasek Israel erdiguneko hainbat hiritara, tartean Tel Avivera. Hamasek adierazi du Israel zibilen aurka egiten ari den erasoei erantzuna dela gaurkoa.
Gainera, laguntza daramaten dozenaka kamioi sartu dira gaur Egiptotik Gazan, Kerem Shalom pasabidetik. Israelek duela 20 egun pasabidearen alde palestinarra bereganatu zuenetik, lehenengo aldiz sartu da laguntza.
Zure interesekoa izan daiteke
Bi urteko inhabilitazioa ezarri dio Gorenak Estatuko fiskal nagusiari, sekretuak ezagutarazteagatik
Auzitegi Gorenak 7.200 euroko isuna ere ezarri dio Alvaro Garcia Ortizi, eta 10.000 euro eman beharko dizkio Alberto Gonzalez Amadorri kalte moralen ordainetan. Sententzia osoa ez dago oraindik idatzita eta egun edo aste batzuen buruan jakinaraziko da. Auzitegi Gorenean bertan deuseztatze-intzidente bat eskatu ahal izango du fiskalak zigorra eteteko; bi horrek ez du normalean aurrera egiten baina beharrezkoa da Konstituzionalera babes eske jotzeko.
Franco hil ondoren, fusilatutakoen senideek desobiratzeak egin zituzten Nafarroako hegoaldean
Franco hil ondoren, fusilatutakoen senideak bide bazterretatik euren senideak ateratzen hasi ziren, lur duintasunez emateko, batez ere Nafarroan. Desobiratzeak Martzillan, Azkoienen eta Nafarroako erdialdean izan ziren, 1978 eta 1981 artean.
Alberto Alonsoren ustez, "kezkagarria da" Martxoaren 3ko Memoriala atzeratzea, baina 2026an proiektuetan lanean hastea espero du
Gogora Memoriaren, Bizikidetzaren eta Giza Eskubideen Institutuaren zuzendari den Alberto Alonsok adierazi duenez, 1976ko Martxoaren 3ko Memorialaren atzerapena "kezkatzeko moduko puntuan" badago ere, "urtea amaitu baino lehen hitz egiten hastea" espero du. Gabonetako jaiotzen arazoa "konpontzeko bidean" denez, 2026an etorkizuneko proiektuetan lanean hastea espero du Alonsok.
Esteban: "PP eta bere gertuko hedabideak EAJ Cerdanen sarearekin lotzen saiatzen ari dira, agerikoa da"
Aitor Esteban EBBren presidenteak Alderdi Popularra eta "gertuko hedabideak" EAJ Cerdanen sarearekin lotzen "saitzen" ari direla salatu du, baina "ezertxo ere ez" dagoela azpimarratu du. "Lasai gaude, eta ez gara kikilduko benetakoak ez diren lau titular argitaratu direlako", gaineratu du. Estebanek azpimarratu du behin baino ez zela bildu Santos Cerdan PSOEren Antolakuntza idazkari ohiarekin Mariano Rajoyren aurkako zentsura-mozioa negoziatzeko.
Jon Hernandez (Sumar): "40 urtez diktaduraren aurka borrokan sakrifikatu ziren andre-gizonak izan nahi ditugu gogoan, nagusiki"
Jon Hernandez Sumarren legebiltzarkideak, ostegun honetan, Francisco Francoren heriotzaren 50. urteurrena dela eta, "lau hamarkadaz diktaduraren aurka borrokatu ziren milaka andre-gizonek" egin zuten papera goraipatu du. Pertsona horiek zeren alde jardun ziren gogoratzearen garrantzia azpimarratu du, "gaur egun ditugun askatasunak eta demokrazia mugatua diktaduraren aurka borrokatu ziren horiei guztiei esker ditugu eta".
Aitor Esteban: "Franco hil zenean ez zen hausturarik izan, eta horrek ondorioak ekarri ditu"
Bilbon egindako prentsaurreko batean, Aitor Esteban EAJko EBBren presidenteak Francisco Franco diktadorearen heriotzaren 50. urteurrena izan du hizpide. 50 urte geroago frankismo garaiko Sekretu Ofizialen Legea indarrean dagoela salatu du: "Lege horrek orduan gertatukoa argitu baino, ilundu egiten du”.
Alonso Egurrolari lotutako Noran eta Erkolan kooperatibei buruzko dokumentazioa eman dio Eusko Jaurlaritzak Guardia Zibilari
UCOk Eusko Jaurlaritzari Noran eta Erkolan kooperatibei buruzko informazioa eskatu zion joan den astean. Enpresa horietan kontratatu zituzten Francisca Muñoz eta Belen Cerdan, Santos Cerdan PSOEren Antolakuntza idazkari ohiaren emaztea eta arreba, hurrenez hurren.
Eusko Legebiltzarrak minutu bateko isilunea egin du, GALek 1984an erail zuen Santi Brouard omentzeko
Legebiltzarkideek zutik eta minutu bateko isilunearekin eginda omendu dute GALek 1984ko azaroaren 20an hildako Santi Brouard Herri Batasunaren buruzagia.
EH Bilduk, ERCk eta BNGk monarkiarekin apurtzea eskatu dute, "frankismoaren herentzia" baita, horrela "benetako demokrazia" lortzeko
Frankismotik etorritako egiturari eusteak agerian uzten du, alderdi horien arabera, ez dela "benetako demokraziarik egongo Estatuaren buruzagitza herriak aukeratzen ez duen bitartean, eta hala euskal nazioari nola katalanari eta galegoari erabakitzeko eskubidea ukatzen zaien bitartean".
Torturaren beste zazpi biktima aitortu ditu Nafarroako Gobernuak
Orain arte, 94 pertsona aitortu ditu Nafarroako Gobernuak ofizialki indarkeria politikoaren biktima gisa 16/2019 Foru Legearen esparruan. Nafarroako Torturatuen Sareak eta Egiari Zorrek osatzen duten 'Egiaren garaia da' dinamikak begi onez ikusi ditu ebazpenak, eta bide horretan sakontzen jarraitzeko eskatu dute.