Europako Fiskaltzak Koldo auziaren ikerketa bere gain hartzea eskatu dio Auzitegi Nazionalari
Europako Fiskaltzak Koldo kasua bere gain hartzeko eskuduntza duela esan du. Auzitegi Nazionalak ikertu du orain arte pandemian zehar enpresa bati maskarengatik egindako kontratu-esleipena. Kasu horretan inputatu nagusietako bat Koldo Garcia da, Jose Luis Abalos ministro ohiaren aholkulari ohia.
Kasuaren epaileari informazioa eskatu zion ikertutako kontratuetako bat Europako funtsekin batera finantzatuta zegoela egiaztatzean, eta, adierazi duenez, horrek eskumena ematen dio, orain arte Auzitegi Nazionalak egiten zuen ikerketa judizialaz arduratzeko.
Europako Fiskaltzak bere gain hartu zuen Balear Uharteetako eta Kanarietako gobernuek enpresa horri egindako esleipenen ikerketa, eta, Koldo auziko ikerketak horiei batuta, "administrazio publikoek enpresa berari denbora laburrean esleitutako kontratu guztiak batera ikertu nahi ditu", ohar baten bidez jakinarazi duenez.
Ismael Moreno epaileak Guardia Zibilaren Unitate Zentral Operatiboaren (UCO) txosten bat mahai gainean duen unean iritsi da Europako Fiskaltzaren erabakia. Txosten horren arabera, Abalos ministro ohiak bazuen, Koldo Garcia aholkulari ohiaren eskutik, ikertutako kontratuen eta auziaren oinarri den enpresaren berri.
Espainiako egungo Gobernuko hainbat goi-kargudunek bete zuten papera ere nabarmentzen du, eta ondorioz, atzo bertan, epaileak Garraio Ministerioari horietako biren mezu elektronikoak eskatu zizkion: Jesus Manuel Gomez, egun sail horretako idazkariorde dena, eta Javier Sanchez Fuentefria, egun Ogasun Ministerioko Aurrekontuen zuzendari nagusi dena, ustezko delituen garaian Jose Luis Abalosek zuzentzen zuen Garraio Ministerioko Antolakuntza eta Ikuskaritzako zuzendari nagusi zena.
Eta orain, zer?
Iturri juridikoen arabera, orain Ismael Moreno Auzitegi Nazionaleko epaileak txosten bat eskatuko dio orain arteko ikerketan berekin eskuz esku aritu den Ustelkeriaren aurkako Fiskaltzari.
Loteslea izango ez den txosten horretan, Ustelkeriaren Aurkako Batzordeak Europako Fiskaltzaren asmoaren aurka egiten badu, Ismael Moreno epaileak eskumen-arazo bat plantea dezake Auzitegi Gorenean, eta hura izango da ikerketa noren esku geratuko den erabakiko duena, Espainian Europako Fiskaltza arautzen duen arauak agintzen duen bezala.
Europako Fiskaltzak hartuko balu, azkenean, ikerketaren ardura, orain arte ikerketa zuzentzen zuen Auzitegi Nazionaleko epaitegiak erabat utzi beharko du kausa haren eskuetan; izan ere, Espainian ez bezala (epaile batek zuzentzen ditu ikerketak), Europako Auzitegian Fiskaltza da ikerketak zuzentzen dituena.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.